Isamu 93:1-5
93 Yeova wataya Umwene!
Wazwala ucindami;Yeova wazwala maka;Wayazwala kwati umusipi.
Insi imikwa manda pe;Itanga iseziwe.
2 Cilimba cako ica wene cayako ukufuma mpiti;Akuno waya ukufuma manda pe.
3 Inguzi izizuula, we Yeova,Inguzi izizuula nupya zikupanga icongo;Inguzi izitwalilila ukuzuula nu kupanga icongo.
4 We Yeova wakulisya umwi yulu,Wacila iciunda ca manzi aingi,Wakwatisya amaka ukucila maimbi ya pali yemba.
5 Vino ukatwiusyako vyaya ivya kutailwa.
We Yeova uumuzilo ukayemvya ing’anda yako insita zyonsi.