Isamu 95:1-11
95 Izini tupunde ni nsansa kuli Yeova!
Izini tulumbanye iciliwe citu ica kupusukilamo.
2 Lekini tuye pa nkoleelo yakwe ala tukumutaizya;Lekini tumwimbile inyimbo nu kumulumbanya.
3 Pano Yeova a Leza umukalamba,Aali Mwene uwakulisya ukucila ya leza yonsi asyala.
4 Insi yaya umwi kasa lyakwe;Imyamba i yakwe.
5 Yemba wino wapanzile u wakwe,Nupya makasa yakwe yapanzile umusili uume.
6 Izini, lekini tupepe nu kufukama;Lekini tufukame pa nkoleelo yakwe Yeova uwatupanzile.
7 Pano a Leza witu,Nupya sweswe yantu yakwe yano akacema,Imfwele zyakwe zino akasakamala.
Ilelo nga muvwa ukwi zwi lyakwe,
8 Mutakomya imyenzo inu wakwe vino cali pa Meliba,*Wakwe vino cali umu Masa,* umu lwanga,
9 Lino ivikolwe vinu vyangezizye;Vyantwisiike nanti cakuti vyaweni milimo ino nacisile.
10 Pa myaka 40 nuvwanga uwinyi pa nkulo iiya, nupya nalanzile inti:
“Antu yaa lyonsi yakapumbuka umu myenzo yao;Yatatala yamanya masunde yane.”
11 Fwandi nalafile ala insoka inti:
“Yatalingila umu kupuuza kwane.”
