Nehemiya 10:1-39
10 Aazumilizye nu kusaina* ku cipangano aeya:
Nehemiya umulasi,* mwana Hakaliya,Na Zedekiya,
2 Selaya, Azaliya, Yelemiya,
3 Pasyuli, Amaliya, Malikiya,
4 Hatusyi, Syebaniya, Maluki,
5 Halimu, Melemoti, Obadiya,
6 Danieli, Ginetoni, Baluki,
7 Mesyulamu, Abiya, Miyamini,
8 Maaziya, Biligai, na Syemaya; yaa yonsi yaali aa simapepo.
9 Aina Levi nayo aeya: Yesyua mwana Azaniya, Binui uwa mu yana yakwe Henedadi, Kadimiyeli,
10 kumwi na Ina Levi yauze, kuli kuti Syebaniya, Hodiya, Kelita, Pelaya, Hanani,
11 Mika, Leobu, Hasyabiya,
12 Zakuli, Syelebiya, Syebaniya,
13 Hodiya, Bani, na Beninu.
14 Ni ntunguluzi izyazumilizyeko aezi: Palosyi, Pahati-moabu, Elamu, Zatu, Bani,
15 Buni, Azigadi, Bebai,
16 Adoniya, Bigivai, Adini,
17 Ateli, Hezekiya, Azuli,
18 Hodiya, Hasyumu, Bezai,
19 Halifi, Anatoti, Nebai,
20 Magipasyi, Mesyulamu, Hezili,
21 Mesyezabeli, Zadoki, Yadua,
22 Pelatiya, Hanani, Anaya,
23 Hosyia, Hananiya, Hasyubu,
24 Haloesyi, Pilia, Syobeki,
25 Leumu, Hasyabuna, Maaseya,
26 Ahiya, Hanani, Anani,
27 Maluki, Halimu, na Baana.
28 Antu yonsi asyala, kuli kuti ya simapepo, Aina Levi, alinzi ya pa mpongolo, ya kiimba, aomvi ya pi tempele,* na yonsi aaipaatwile ukufuma uku yantu ya ku mpanga zyuze nu kutandika ukulondela Masunde yakwe Leza wa cumi kumwi na ya mama yao, ana yao aonsi na akazyana, kuli kuti yonsi aanguvwikisya nu kwiluka,
29 yailunzile uku ina yao, kuli kuti uku yantu yao acindikwe, nupya yalafile ukuti yamalondelanga Masunde yakwe Leza wa cumi aapeezilwe uku Ina Izlaeli ukupitila muli Mose umuomvi wakwe Leza wa cumi, nu kuti yamacitanga vyonsi ivyaya umu masunde yakwe Yeova Umwene witu alino nu kukonka upinguzi wakwe.
30 Yalafile iyati tutalatwalizya ana itu akazyana na ana itu aonsi uku yantu ya ku mpanga zyuze.
31 Ndi cakuti antu aku mpanga zyuze iza umu kukazya iviya vyao ni vyakulya ivipusanepusane pa wanda wi Sabata, tutalaakala ivili vyonsi kuli aliyo pa wanda wi Sabata nanti pa wanda wa muzilo. Tutalaalima nanti ukuzombola mu mwaka uwalenga 7 nupya tutalapoka inkongole izili zyonsi.
32 Nupya iituzumilizyanya ukuti cila muntu alaapeela iciputulwa cakwe citatu cakwe syekele* cila mwaka, ica kuomvya uku mulimo wa ku ng’anda yakwe Leza witu,
33 uku mukate wa muzilo, ku upe wa vyakulya uukapeelwa lyonsi, ku malambo ya koca aakapeelwa lyonsi pa Masabata, na pa kuzevya konsi ukwa mwezi upya, nu ku mitebeto iyasoololwa, uku vintu vya muzilo, nu ku malambo ya pa luyembu aakufutilako Aina Izlaeli imembu, alino nu ku milimo yonsi iikaombwa umu ng’anda yakwe Leza witu.
34 Nupya tulaapendola ukulozya uku nkwi zino ya simapepo, Aina Levi, na antu yalaaleta uku ng’anda yakwe Leza witu ukulingana ni ntunguluzi zya ndupwa zitu, cila mwaka pa nsita izyasoololwa, izya kuomvya uku kupembela umoto pa ulambo wakwe Yeova Leza witu ukulingana na vino calembwa umu masunde.
35 Nupya cila mwaka tulaatwala uku ng’anda yakwe Yeova ivyakulya ivyatandikilapo ukuzombolwa umu mpanga itu ni vizao ivipusanepusane ivyatandikilapo ukuca,
36 alino na ana itu aonsi mayeli na mayeli ya viteekwa vitu wakwe vino calembwa umu Masunde, alino na mayeli ya ng’ombe zitu na aa mfwele alino na aa mbuzi. Tulaatwala ivintu vivyo uku ng’anda yakwe Leza witu, kuli kuti kuli ya simapepo aakaombela pa ng’anda yakwe Leza witu.
37 Nupya tulaatwala fulaulo ukufuma pa vyakulya vino twatandikikalapo ukuzombola, imisangulo, ivizao ivipusanepusane, waini umupya na mafuta, kuli ya simapepo umu miputule ya kusungilamo ivintu,* iyayela umu ng’anda yakwe Leza witu, tulaatwala ni cikumi uku Ina Levi kufuma pa vilimwa ivya mu mpanga itu, pano Aina Levi aakapoka ivikumi umu misumba itu yonsi ino tukalimamo.
38 Nupya simapepo mwana Aloni afwile ukuya na Ina Levi lino yakupoka icikumi; Aina Levi nayo yalinzile ukupeela uku ng’anda yakwe Leza, kuli kuti uku miputule ya kusungilamo ivintu,* icikumi ukufuma pa cikumi cino yapoka.
39 Pano mu miputule ya kusungilamo ivintu* amuno Aina Izlaeli na Ina Levi yalaatwala imisangulo ya vyakulya, waini umupya, na mafuta, nupya umulaikala ni viya ivya pi tempele, u mulaaombela na ya simapepo, alinzi ya pa mpongolo, na ya kiimba. Fwandi tutalatala tulekelezye ing’anda yakwe Leza witu.
Mafutunoti
^ Nanti “ukumapo insimbi.”
^ Nanti “Tilisyata,” izina lya mucinzi lino Aina Pesya yaomvyanga uku kwamilako umulasi wa citungu.
^ Nanti “Aina Netinimu.” Mu Ciebele: “Aapeelwa.”
^ Syekele wenga angalingana na magilamu 11.4. Lolini Ivyeo na Vyuze pa B14.
^ Nanti “imiputule ya kuliilamo.”
^ Nanti “imiputule ya kuliilamo.”
^ Nanti “imiputule ya kuliilamo.”
