Yelemiya 13:1-27
13 Yeova wanenyile ati: “Yanga kakale umusipi uwa nsalu nu kuuzwala umu musana, lelo utautimpika umu manzi.”
2 Nani nakazile umusipi wakwe viivi kwene vino Yeova wanenyile nu kuuzwala umu musana.
3 Nupya Yeova wanenyile umuku wakwe ciili ati:
4 “Tola umusipi uno wakazile nupya uno watuzwala uye uku Yufuleti, ukaufise umwi cele kuuku kwene.”
5 Fwandi napisile nu kuyaufisa uku Yufuleti wakwe viivi kwene vino Yeova wanenyile.
6 Lelo pa cisila ca manda aingi Yeova wanenyile ati: “Katuka uye uku Yufuleti, ukatole umusipi uno nakunenyile ukuyafisa.”
7 Nani naile uku Yufuleti inja inzikula umusipi nu kuufumya muno naufisile, nupya naweni ukuti umusipi ononike; utaakweti incito ili yonsi.
8 Lyene Yeova wanenyile ati:
9 “Yeova walanda wati, ‘Vikwene avino ndonona icilumba cakwe Yuda ni cilumba icipisye cakwe Yelusalemu.
10 Antu yaa aipe aasiuvwila mazwi yane, aakatwalilila sile ukucita vino imyenzo yao ikulonda, nupya aakalondela ya leza yauze, ukuyaombela nu kuyafukamila, yalaya wa musipi kwene uu uutakweti incito ili yonsi.’
11 Yeova walanda wati: ‘Wakwe viivi kwene vino umusipi ukalema umu musana, avino nalenzile na amu ng’anda yakwe Izlaeli yonsi na amu ng’anda yakwe Yuda ukundemasya, pakuti yaye antu yane, yamanyisya kuli yauze, ukuncindika nu kundumbanya. Lelo yatuvwilile.’
12 “Nupya uce ukayanene uti, ‘Yeova Leza wakwe Izlaeli walanda wati: “Insembo yonsi iikalamba ilinzile ukuzuula waini.”’ Nayo yalakwasuka yati, ‘Uzye tutamanya mpiti ukuti insembo yonsi ikalamba ilinzile ukuzuulamo waini?’
13 Lyene uce ukayanene uti, ‘Yeova walanda wati: “Ndalenga aikazi yonsi amu mpanga yii ukukoleka, kumwi na ya mwene aikala pa cilimba ca wene cakwe Devedi, ya simapepo, ya kasesema, na antu yonsi amu Yelusalemu.
14 Ndayapumanya yonsi, kuli kuti ya isi kumwi na ana kwene,” avino Yeova walanda. “Ntalaya ni cikuuku kuli aliyo nanti ukuvwa ulanda nanti ukuyuvwila uluse; kusi icili consi icilandesya ukuyonona.”’
15 Uvwini nu kwikisyako mano.
Mutaya ni cilumba, pano vikwene avino Yeova watalanda.
16 Cindikini Yeova Leza winuLino atatala waleta imfinziNupya lino mutatala mwatandika ukupumika pa myamba mu nsita ya manguzi.
Mulaalonda uluswepoLelo alaleta imfinzi ipisye;Alalenga uluswepo luye akaanda.
17 Lelo nga mwakana ukukutika,Ndaloosya pa mulandu ni cilumba cinu ukwaula ukuti mumanye.
Ndaponya minsozi aingi,Pano ala antu yakwe Yeova iyasendwa umu uzya.
18 Nena umwene na nyina wa mwene uti, ‘Fumini pa vilimba vinu ivicindame,Pano ivisote vinu ivisuma ivya wene vilapona ukufuma uku mitwe inu.’
19 Misumba yonsi ya ku kaeya yayalwa,* nupya kusi uwa kuiyula.
Antu ya mu Yuda yonsi yasendwa umu uzya.
20 Katusya manso nu kulola aakwiza ukufuma uku katutu.
Viteekwa vyako vino wapeezilwe, kuli kuti imfwele zyako izisuma zili kwi?
21 I vyani vino ulalandaLino ya cuza yano wakwata ukufuma mpiti yalakufulula?
Uzye utalacula wa mwanaci aali pa kupaapa?
22 Ndi cakuti waca welenganya wati, ‘U mulandu ci uno ivintu vii ivincitikila?’
Uce umanye ukuti a pa mulandu ni viipe ivingi vino wacita ali mulandu uno watuzewanila
Nupya ali mulandu uno ivintunta vyako vikuwaila sana.
23 Uzye Umwina Kusyi* angasenula imilolekele iya nkanda yakwe, nanti uzye inangu ingasenula vino ikaloleka?
Ndi cakuti vivyo vingacitika, ale namwe kwene mungacita ivisuma,Mweyano mwasambiliziwa ukucita iviipe.
24 Fwandi ndamusalanganya wi sote ilikusendwa nu muza uwa mu lwanga.
25 Vikwene i vilamucitikila nupya ali cilambu cino ndamupeela,” avino Yeova walanda,“Pano mwanjilila nu kutaila ivya ufi.
26 Fwandi ndamuzuula,Nupya mulazewana,
27 Antu yalalola ucende winu, insuunaNu uzelele winu uwipisye.
Indola ivicitwa vinu ivya winyiPa tumyamba nu mu vyalo,
Kalanda kuli we Yelusalemu!
Uzye ulatwalilila ukuya umukowele ukufika lilaci?”
