Yelemiya 30:1-24
-
Ulayo wa kuwezya nu kupozya (1-24)
30 Yelemiya wapokelile amazwi ukufuma kuli Yeova aakuti:
2 “Yeova Leza wakwe Izlaeli walanda wati, ‘Lemba umwi buku vyonsi vino nkukunena.
3 Pano Yeova walanda wati: “Manda yakwiza lino ndakolonganika antu yane aasendwa umu uzya, kuli kuti Aina Izlaeli na Ayuda,” avino Yeova walanda, “ndayawezya uku mpanga ino napeezile ivikolwe vyao, nupya yalatandika ukwikalamo nupya.”’”
4 Yaa ali mazwi yano Yeova wanenyile Aina Izlaeli na Ayuda.
5 Yeova walanda wati:
“Ituvwa icongo ca yantu aali ni ntete;Yali ni ntete sana, nupya kusi umutende.
6 Uzya ndi cakuti umonsi angakwata inda nu kuvyala.
U mulandu ci lyene uno aonsi yonsi aamaka iyalemela pa nda zyaoWa mwanaci aali pa kupaapa?
U mulandu ci uno yonsi iyaswepulukila ivinso?
7 Iyee! Uwanda uuwa ulaya uwa ntazi.
Kutaaya uwanda uwaya wakwe uuwa,Ulaya uwanda uno Yakobo alaya nu ulanda.
Lelo alapusuka.”
8 Yeova wa maumba walanda wati: “Mu wanda uuwa ndavuna mayoko yao nu kuputula imyando yao paili; nupya antu ya ku mpanga zyuze yatalayalenga ukuya azya nupya.
9 Yalaaombela Yeova Leza na Devedi umwene wao wino ndayasontela.”
10 Yeova walanda wati: “Nupya we Yakobo we muomvi wane utuvwa intete,Nupya utatiina we Izlaeli.
Pano ndakupususya ukufuma ukutali,Ndapususya na ana yako ukufuma umu mpanga ino yasendwa umu uzya.
Yakobo alawela nu kwikala umutende, kutalaya ni ca kumupumvyanya,Nupya kusi ali wensi alayatiinya.”
11 Yeova walanda wati: “Pano indi naawe pakuti nkupususye.
Lelo ndonona inko zyonsi kuno namusalanganyizizya;Nomba mwemo ntalamonona.
Ndamusalapula icilinge,Nupya ntalalekapo sile ukwaula ukumufulula.”
12 Yeova walanda wati:
“Cilonda cako citalapola.
Citanga cipoziwe.
13 Kusi uwa kukupaapatilako,Kutaaya inzila iya kupozezyamo icilonda cako.
Citanga cipoziwe.
14 Antu yonsi aakutemwa yakwilila.
Yaleka uku kulonda.
Nakuma wakwe vino umulwani angakuma,Na wakwe vino umuntu uwaya nu unkalwe angakufulula,Pa mulandu nu kuluvyanya kwako ukukalamba ni membu zyako izingi.
15 U mulandu ci uno ukulilila pa mulandu ni cilonda cako?
Ukali wako utalasila!
Nacita vii kuli wewe pa mulandu nu kuluvyanya kwako ukukalambaNi membu zyako izingi.
16 Fwandi yonsi aakakonona yalononwa,Na alwani yako yonsi nayo kwene yalasendwa umu uzya,
Aakakwiyila ivintu yalaiyila ivintu vyao,Na yonsi aakakupokolola ivintu ndalenga ukuti yapokololwe ivintu vyao.”
17 Yeova walanda wati: “Lelo ndakulenga ukuya nu umi usuma nupya ndapozya ivilonda vyako.Nanti cakuti yakulolanga ukuti wewe mulekeleziwe ala yakuti:
‘Zioni wino kusi ali wensi aakalonda.’”
18 Yeova walanda wati:
“Nimakolonganika antu aasendwa umu uzya aakaikala umu ncende yakwe Yakobo,Nupya nduvwila incende zyako uluse.
Musumba ulakuulwa cipya cipya pa ncende yako itumpuke,Nu lupungu lukome lulayela pano lulinzile ukuya.
19 Nupya muli aliyo muluvwika inyimbo zya kutaizya ni congo ca yantu aakuseka.
Ndalenga ukuti yasandane, nupya yatalacepa;Ndalenga ukuti yavule,*Nupya yatalasuulwa.
20 Ndalenga ana yakwe ukuya wakwe vino yaali mpiti,Nupya ndayakomya.
Ndafulula yonsi aakamucuzya.
21 Mucindame alafuma umu yantu yakwe,Nupya kateeka alafuma muli aliwe.
Ndamwama ukuti apalame, nawe alapalama kuli nene.”
“Pano nga cisi vivyo, a weni angapalama kuli nene?” avino Yeova walanda.
22 “Nupya mulaya antu yane, nani ndaya Leza winu.”
23 Ukali wakwe Yeova uliza wa cimuza,Uliza wa cimuza iciipisye icikapungila pali ya kacita ya viipe.
24 Ukali uwipisye wakwe Yeova utalasilaUkufikila waca wacita vino akulonda.
Muluvwikisya ningo ivintu vii umu manda ya kusyalikizya.
Mafutunoti
^ Nanti limwi, “ndayacindamika.”