Yelemiya 4:1-31
4 Yeova walanda wati: “We Izlaeli ndi cakuti ulawela,Ndi cakuti ulawela kuli neneNupya ndi cakuti ulafumya vilubi vyako ivya winyi pa nkoleelo yane,Lyene utalaya umuzya.
2 Nupya ndi cakuti mwalapila umwi zina lyakwe Yeova,Mu cumi, mu mulinganya nu mu ulungami,Lyene alapaala inko,Nupya zilauvwila icilumba muli aliwe.”
3 Yeova watanena antu ya mu Yuda nu mu Yelusalemu ati:
“Mulime icalo,Nupya mutaakomela umu myunga.
4 Wakwe vino ukuzembululwa kukasangulula umwili,Avino namwe kwene mwe yantu ya mu Yuda na amu Yelusalemu,Mulinzile ukusangulula imyenzo inu kuli YeovaPakuti ukali wane utiza pali mwemwe wa motoNu kwaka ukwaula uwa kuuzimya,Pa mulandu ni vicitwa vinu iviipe.”
5 Manyisyini umu Yuda nu mu Yelusalemu.
Pundini nu kulizya ipenga umu mpanga yonsi.
Pundisyini muti: “Kolonganini,Lekini tuutukile umu misumba iya malinga.
6 Imikini icimanyililo ukulozya uku Zioni.
Londini umwa kufisama nupya mutimilila,”
Pano nkuleta uwononesi ukufuma uku katutu, uwononesi uwipisye.
7 Aakonona inko akwiza wakwe cisamaAakufuma umu mutengo;
Akwiza ukufuma kuno akaikala kuti aize aonone impanga inu.
Misumba inu ilononwa icakuti kutalaya nu wa kwikalamo.
8 Acino zwalini vyakuzwala vya kulangilamo ulanda,Lilini nu kuloosya,Pano ukali wakwe Yeova utafumile pali sweswe.
9 Yeova walanda wati: “Pa wanda uuwa, umwene aluvwa intete,Kumwi na ya cilolo kwene;Ya simapepo yalatiina, na ya kasesema yalazunguka.”
10 Lyene nalanzile inti: “Iyee, we Yeova, Umwene Uwa Papelapela! Icumi kwene watubepa antu yaa na Yelusalemu pa kulanda uti, ‘Mulaya nu mutende,’ lino ulupanga luli pa vikolomilo vitu.”
11 Pa nsita iiya kulaya ukunena antu yaa na Yelusalemu ukuti:
Umuza ukaye ukufuma uku tumyamba utwa mu lwangaUkwiza umu kusenda antu yane;Utaakwiza umu kwela nanti umu kusangulula.
12 Ndalenga umuza ukome wize ukufuma uku ncende zizyo.
Nupya ndayapingula.
13 Umulwani aliza wa makumbi ya mvula,Nupya maceleta yakwe yaya wa cimuza icipisye.
Imfwalasi zyakwe zikasimulisya ukucila ya lyang’anda.
Kalanda kuli sweswe, pano itononwa!
14 Sangulula umwenzo wako uku viipe we Yelusalemu pakuti upusuke.
Uzye ulatwalilila ukuya na melenganyo aipe ukufika lilaci?
15 Kuli lyasi ilikulanda pa vintu ivilacitika umu mpanga yakwe Dani,Ni ntazi iziliza pa ncende ya myamba yakwe Efulemu.
16 Manyisyini icintu cii uku nko;Landini pa vintu ivilacitikila Yelusalemu.”
“Inengu* zikwiza ukufuma uku mpanga ya kutali,Nupya zikupunda nu kulanda ivilacitikila imisumba ya mu Yuda.
17 Zikwiza umu kumulwisya ukufuma umu ntunga zyonsi wa yalinzi aali pa ncende iwatuke,Pa mulandu wakuti wampondokela,” avino Yeova walanda.
18 “Miyele yako na vino ukacita vilakuletelela.
Ulafululwa icipisye,Pano wapondoka sana!”
19 Iyee nuvwa ulanda, nuvwa ulanda!
Mwenzo wane wawaya sana.
Mwenzo wane ukukulukunta.
Ntanga nikale mya,Pano inuvwa iciunda ca mapenga,Congo ca mu ulwi.
20 Intazi izipusanepusane zikuvwika,Pano impanga yonsi yatiyononwa.
Mu kupumikizya matenti yane iyononeka,Ni insalu kwene izya pa matenti.
21 Uzye ndatwalilila ukulola icimanyililo ukufika lilaci,Nu kuvwa iciunda ca mapenga?
22 “Antu yane aawelewele;Yasiika mano kuli nene.
Aana aatumpe aasiiluka.
Yacenjela sile umu kucita viipe,Lelo yatamanya ukucita ivisuma.”
23 Nalolekisye impanga nupya mutaali icili consi.
Nalolekisye umwi yulu nupya mutaali uluswepo.
24 Nalolekisye imyamba, nupya yatenkananga,Nu tumyamba twasuunkananga.
25 Nalolekisye nupya kutaali umuntu ali wensi,Ni vyunyi vyonsi ala ivipuuka.
26 Nalolekisye icalo ca miti ya vizao ala icisanguka ulwanga,Ni misumba yonsi iyayamo ala yatiyononwa.
Yeova u wacisile vivyo,Pa mulandu nu ukali wakwe.
27 Yeova walanda wati: “Impanga ilasyala umwaula icili consi,Lelo ntalaleka iyononeke yonsi.
28 Pa mulandu kwene uu impanga ilaloosya,Na mayulu yalafita.
Pano avino indanda, nupya avino impingula,Ntalalanguluka nanti ukusenuka.
29 Pa mulandu ni congo ca yonsi aali pa mfwalasi na aakalwa ukuomvya maulapwa,Antu yonsi amu musumba iyutuka.
Iingila umu mitengo,Nupya yakufisama umu mawe.
Misumba yonsi yatisyala sile,Nupya kusi umuntu aakwikalamo.”
30 Lyene vino iyakupokolola ivintu ku maka, umacita uli?
Wazwalanga insalu izisuma iziyenzu,Nu kuiyemvya ni viyembelo vyakwe goldi,Nu kuipenta umu manso ni vitifi.
Lelo ukuiyemvya kwako kwali ukwa sile sile,Pano antu aakulondesyanga yaakukana;Nupya yakulonda ukukukoma.
31 Inuvwa iciunda kwati ica mwanaci umulwale,Nu kuteta kwati ukwa mwanaci aali umupiipi nu kupaapa umwanakwe iyeli,Ni izwi lya mwana umwanaci wakwe Zioni aakucula pa kufuuta.
Akulanda ala watafumbatula iminwe ati:
“Kalanda kuli nene, pano nkucula pa mulandu na akulonda ukunkoma!”
Mafutunoti
^ Mu Ciebele: “Ya kaceeceta,” kuli kuti aakaceeceta umusumba nu kumanya lino yangauzanza.
