Yelemiya 47:1-7
-
Usesemo pa Ina Filisti (1-7)
47 Yaa ali mazwi yano Yeova wanenyile Yelemiya kasesema ukulozya uku Ina Filisti lino Falao atatala onona umusumba wa Gaza.
2 Yeova walanda wati:
“Lola! Amanzi yakufuma uku katutu.
Yakwiza wa luzi lwa mukuku.
Yalaunzya impanga na vyonsi ivyayamo,Umusumba na yonsi aakaikalamo.
Aonsi yalalila,Nupya antu yonsi amu mpanga yalaloosya.
3 Pa mulandu nu mutinti wa mfwalasi izikusimula,Na pa mulandu ni congo ca maceleta ya mu nkondoNu kulila kwa matayala,Ya isi yatalapiliuka pakuti yazwe ana yao,Pano makasa yao yalatemboka,
4 Pano uwanda ukwiza lino Aina Filisti yonsi yalononwa,Kumwi na yonsi aasyalapo aakwazwilizya Tuli na Sidoni.
Pano Yeova alonona Aina FilistiAasyala pa cilila ca Kafitoli.*
5 Antu ya mu Gaza yalapela mapala.
Asyikeloni alononwa.
Mwemuno mwasyala umu mukonko wao,Mulatwalilila ukuicembola ukufika lilaci?
6 Iyee we lupanga lwakwe Yeova!
Ulatwalilila ukukomola ukufika lilaci?
Swilila umu cipata cako.
Puuza nu kwikala sile.
7 Lungikala uli ukwaula ukukomolaLino Yeova u walunena ukucita vivyo?
Walunena ukukomola AsyikeloniNa antu aikala umu mbali yakwe yemba.”
Mafutunoti
^ Kuli kuti Kilete.
