Yelemiya 5:1-31
5 Pitana umu miseo ya mu Yelusalemu.
Ulolekesye sana.
Nupya ulondelezye umu ncende umukazanwa antuUlole ndi cakuti umazanamo umuntu uwaya nu mulinganya,Nupya uwaya ni cisinka,Nupya ndelela umusumba uuwo.
2 Na lino yalapila umwi zina lyakwe Yeova
Yakalapa ivya ufi.
3 Iyee we Yeova, uzye usilonda antu aaya ni cisinka?
Wafulwile antu yako, lelo cali kwati pasi vino ucisile.
Nanti cakuti wakomile aingi pali aliyo, pasi vino yasambilileko.
Yakomizye imyenzo* ukucila iwe,Nupya yakanyile ukuwela kuli wewe.
4 Lelo nelenginye inti: “Mu cumi antu yaa atuutu.
Yakacita ivya uwelewele pano yatamanya masunde yakwe Yeova,Nu upinguzi wakwe Leza wao.
5 Ndaya uku yantu acindame nu kulanda nayo,Pano yamanya masunde yakwe YeovaNu upinguzi wakwe Leza wao.
Lelo yonsi kwene yavuna iyokoNu kuputola intambo zya kunyepelako.”
6 Ali mulandu uno cisama akayazanzila,Mumbulu nao ukatwalilila ukuyasandolaNi nangu ikateyamila imisumba yao.
Yonsi aakafuma umu misumba iiyo yakasandolwa.
Pano yaluvyanya sana;Yataaya ni cisinka pa miku iingi.
7 Ningakwelela uli pa vintu vii?
Ana yako yampondokela,Yakalapila muli leza wa ufi;
Nkayapeela vino yakulondekwaLelo yakatwalilila ukucita ucende,Nupya yakaya uku ng’anda yakwe cizelele.
8 Yaya wa mfwalasi izili sana ni nsuna,Cila muntu akalonda muka muze.
9 Yeova walanda wati: “Uzye ntalinzile ukuyapeela umulandu pa vintu vii?
Uzye ntalinzile ukuleta icilanduzi pa luko lwa musango uwo?”
10 “Yangini mukonone ivyalo vyakwe ivya myangazi,Lelo mutonona vyonsi.
Kaputulini imisambo yakwe iikumela,Pano asi yakwe Yeova.
11 Amu ng’anda yakwe Izlaeli na amu ng’anda yakwe YudaYansangukila sana,” avino Yeova walanda.
12 “Yakana Yeova nupya yakalanda iyati,‘Atalacita ivili vyonsi.*
Kusi intazi izilatuponela;Nupya tutalalolapo inkondo nanti cipowe.’
13 Ya kasesema yakalanda ivya sile sile,Nupya izwi lyakwe Leza litaya muli aliyo.
Yalaya aasile sile wa mazwi yao kwene!”
14 Acino Yeova Leza wa maumba walanda wati:
“Pa mulandu wakuti vii avino antu yaa yakulanda,Nimalenga mazwi yane yaye wa moto umu kanwa kako,Na antu yaa yamaya ali inkwi,Nupya yalapya.”
15 Yeova walanda nu kuti: “Mwe ya mu ng’anda yakwe Izlaeli, nkuleta uluko lwa ku mpanga ya kutali muli mwemwe.
Uluko ulwapanzilwe mpiti,
Lwayako ukufuma mpiti,Uluko luno mutamanya ululimi luno lukavwanga,Nupya mutanga muvwe vino lukulanda.
16 Kacola kao aka nceto kaya wi lindi ilyatilyasama;Yonsi kwene aasilika.
17 Yalalya ivyakulya vino mwazombola nu mukate winu.
Yalakoma ana inu aonsi na akazyana.
Yalalya imfwele zinu ni mbuzi ni ng’ombe.
Yalalya imyangazi inu nu konona imiti ya myangazi.
Yalonona imisumba inu iya malinga ino mwataila kuomvya ivyanzo vyao.”
18 Yeova walanda wati: “Lelo nu mu manda kwene yayo, ntalamonona mwensi.
19 Nupya ndi yaca yuzya yati, ‘U mulandu ci uno Yeova Leza witu watacitila ivintu vii kuli sweswe?’ uce uyanene uti, ‘Wakwe viivi kwene vino mwapondokiile Leza winu nu kutandika ukuombela leza wa ku mpanga yuze umu mpanga inu, avino mulaombela antu ya ku mpanga yuze umu mpanga isi inu.’”
20 Manyisyini amu ng’anda yakwe YakoboNa amu mpanga yakwe Yuda muti:
21 “Uvwini kuno mwe yawelewele, mwemuno mutakwata amano:
Mwakwata manso lelo musilola,Mwakwata amatwi lelo musiuvwa.”
22 Yeova walanda wati: “Uzye musintiina?Uzye mutafwile ukuzakaza pa nkoleelo yane?
Nene napanzile umupaka wakwe yemba ukuomvya umucanga,Yemba atalatala acile umupaka uwo.
Nanti cakuti maimbi yangakatuka, yatanga yacile umupaka;Nanti yangauza yatanga yaucile.
23 Lelo antu yaa yakwata umwenzo ukome uwa ucipondoka;Yampondokela nu kutandika ukucita sile vino yakulonda.
24 Yasitala iyelenganyapo ukuti:
“Lekini twatiina Yeova Leza witu,Aakatupeela imvula umu nsita ya cisiku,Imvula ya kutandikilako ni ya kusyalikizya,Nupya uwatwikilako insita ya kuzombola.”
25 Kuluvyanya kwinu kwalenga ivintu vii vitayako;Imembu zinu zyalenga mutaapokelela ivisuma.
26 Mu yantu yane mwaya antu aipe.
Yakatwalilila ukulolekesya wakwe vino aakateya ivyunyi yakateyamila pa kuviloleela.
Yakateya iciteyo iciipisye.
Nupya antu aakalemyamo.
27 Wakwe vino ica kusungilamo ivyunyi cikazuula ivyunyi,Avino umu mang’anda yao mwazuula ufi.
Ali mulandu uno yakwatila amaka nu kuya aakankala.
28 Yina nupya yatelepa;Yakacita sile iviipe vitupu.
Yasivwangila ana aatakwata ya isi,Pano yakacita sile ivingayazipila;Nupya yasiya nu mulinganya uku yapiina.”
29 Yeova walanda wati: “Uzye ntalinzile ukuyapeela umulandu pa vintu vii?
Uzye ntalinzile ukuleta icilanduzi pa luko lwa musango uuwo?
30 Icintu cimwi iciipe nupya ica kuzungusya icaticicitika umu mpanga aeci:
31 Ya kasesema yakusesema ivya ufi,Na ya simapepo yakuomvya amaka yao kuti yacuzya auze.
Nupya antu yane yatemwa vivyo kwene.
Nomba mulacita uli lino impela iliza?”
