Yelemiya 51:1-64
51 Yeova walanda wati:
“Nkukatusya umuza uukaononaUwa kwiza onona Babiloni na antu aakaikala umu Lebu-kamai.*
2 Nkutuma ya kela kuli Babiloni,Nupya yalamwela nu kusya impanga yakwe umwaula icili consi;Yaliza umu kumulwisya ukufuma umu mbali zyonsi umu wanda uno alaya ni ntazi.
3 Antu ya mu Babiloni aakaomvya maulapwa yatalayaomvya.
Na asilika yakwe yatalimilila ni vyanzo vyao.
Mutaca muvwile aonsi yakwe uluse.
Muce mukome asilika yakwe yonsi.
4 Aonsi yakwe yalafwila umu mpanga ya Ina Kalideya,Yalacisika sana umu miseo yakwe.
5 Yeova wa maumba ataasya Izlaeli na Yuda, yataasyala wakwe ya mukamfwilwa.
Lelo antu ya mu mpanga yao* yaluvyanya sana uku wa Muzilo wakwe Izlaeli.
6 Fumini muli Babiloni,Nu kupuuka pakuti mupususye ma umi inu.
Mutafwila pa membu zyakwe.
Pano insita yii iyakuti Yeova alete icilanduzi.
Akufulula Babiloni pali vino wacita.
7 Babiloni a kapu wakwe goldi umu minwe yakwe Yeova;Walenga insi yonsi ukukoleka.
Inko zyonsi zyakoleka waini wakwe;Ali mulandu uno zyapenela.
8 Babiloni watawa umukupumikizya nu kononeka.
Muloosyini!
Mupakini basamu pali vino akuwaika; limwi angapola.”
9 “Twezizye ukupozya Babiloni, lelo ataapozile.
Musyini lekini twapita, cila muntu aye uku mpanga yakwe.
Pano ukuluvyanya kwakwe ikufika umwi yulu;Ikutalimpa ukufika nu mu makumbi.
10 Yeova watatuletela umulinganya.
Twapiteni tukalande umu Zioni pali vino Yeova Leza witu wacita.
11 “Nyolini inceto; pekanyini visyangu vinu.
Yeova watakatusya ya mwene ya ku Medya,Pano akulonda ukonona Babiloni.
Cikwene ali cilanduzi cakwe Yeova cino akuleta pa mulandu ni tempele lyakwe.
12 Imikini icimanyililo pano mulakolonganila lino mulaawisya iviumba vya Babiloni,
Vuzyini alinzi, iikini muno yafwile ukuya.
Pekanyini aalafisamila Ina Babiloni.
Pano Yeova watapanga vino alacita,Nupya alafikilizya vino walavile ukucita uku yantu aakaikala umu Babiloni.
13 “We mwanaci wemuno ukaikala pa manzi aingi,Wemuno wakwata sana ivyuma,Wemo na muno ukazanila ivyuma, impela inu yatifika.
14 Yeova wa maumba watalapa ukuomvya izina lyakwe ati,‘Ndaleta aonsi aingi sana wakwe makanta muli wewe,Nupya yalapunda ukupunda kwa ku kucimvya.’
15 Leza u wapanzile insi uku maka yakwe,U wapanzile impanga ivunde uku mano yakweNupya u wapanzile mayulu ukuomvya ukucenjela kwakwe.
16 Ndi cakuti wavwanga,Manzi ya mu mayulu yakasunkaana,Nupya akalenga manzi ukukatuka ukufuma umu nsi yonsi.
Akalenga ikuya ukumyantula kwa nkuwa lino imvula ikutoonya.Nupya akaleta umuza ukufuma muno wausungila.
17 Muntu wensi akacita ivisi vya mano nupya vino atamanyile.
Wensi aakapanga ivintu ukuomvya ivyela alazewana pa mulandu ni vilubi vino akapanga;Pano ivilubi vyakwe asi vya cumi,Nupya vitaaya nu umi.
18 I vya sile sile nupya ivya uwelewele.
Lino uwanda wa upinguzi ulafika, vilalowa.
19 Leza Wakwe Yakobo ataya wa vintu vii,Pano wene u waumvile ivintu vyonsi,Nupya aali ntuwa yakwe iya upyanyi.
Yeova wa maumba ali zina lyakwe.”
20 “Wewe uli canzo cane ica cela, ica mu ulwi,Pano wewe ndaomvya uku kusyunola inko.
Nupya ndakuomvya uku konona mawene.
21 Wewe ndaomvya uku kusyunola imfwalasi na aakakwelapo.
Nupya wewe ndaomvya pa kusyunola iceleta na aakakwelapo.
22 Wewe ndaomvya uku kusyunola umonsi nu mwanaci.
Wewe ndaomvya uku kusyunola umukote nu mulumendo.
Wewe ndaomvya uku kusyunola umulumendo nu mukazyana.
23 Wewe ndaomvya uku kusyunola kacema ni viteekwa vyakwe.
Wewe ndaomvya uku kusyunola umulimi ni nyama zino akaomvya uku kulimilako.
Wewe ndaomvya uku kusyunola ya kateeka ni ntunguluzi.
24 Nupya ndafulula Babiloni na antu aakaikala umu KalideyaPa viipe vyonsi vino yacisile umu Zioni pa nkoleelo inu,” avino Yeova walanda.
25 Yeova walanda wati: “Nene mulwani wako, we mwamba wa ononyi,Wemuno ukaonona insi yonsi.
Ndakonzolwela ikasa lyane pali wewe nu kukukunkulusya pa mawe,Nupya ulasyala wa mwamba uupye.”
26 “Muli wewe antu yatalatolamo sile nanti iwe lya pa koona nanti lya mu mufula,Pano ulasyala umwaula icili consi manda pe,” avino Yeova walanda.
27 Imikini cimanyililo umu mpanga.
Lizyini mapenga umu nko.
Soololini inko izya kwiza umu kumulwisya.
Amini mawene ya ku Alalati, uku Mini, nu ku Asyikenazi aakuti ize yamulwisye.
Soololini umusilika uwa kumulwisya.
Tuminiko imfwalasi izingi sana wakwe makanta.
28 Soololini inko izya kwiza umu kumulwisya,Ya mwene ya ku Medya, ya kateeka, ni ntunguluzi zyonsi izyayakoAlino ni mpanga zyonsi zino yakateeka.
29 Nupya insi ilasunkana nu kuzakaza,Pano Yeova alacita vino wapanga ukucita kuli BabiloniNu kuleka impanga ya Babiloni ukuya ica kuseka, nu kusyala ukwaula uwa kwikalamo.
30 Asilika ya ku Babiloni iyata ukulwa.
Iikala umu ncende zyao zya kufisamamo.
Yatakweti maka.
Iyaya wa yanaci.
Mang’anda yakwe iyapya.
Mifikilo yakwe yatikontooka.
31 Intumi zikukomenkana,Ni nkombe kwene zikukomenkana,Kuti zikanene umwene wa ku Babiloni ziti musumba wako iupokwa umu mbali zyonsi kwene,
32 Nu kuti ncende pano antu yakalambila inguzi izipokwa,Na mawato apangilwe ni mpunga iyapya,Asilika nayo yali ni ntete.”
33 Yeova wa maumba, Leza wakwe Izlaeli walanda wati:
“Umwana umwanaci wakwe Babiloni ali wa lwano.
Insita yakwe iya kumusinintila yatifika.
Likwene sile insita ya kuzombola yasya imufikile.”
34 “Nebukadineza* umwene wa ku Babiloni watandya;Wataleta icimvulunganya muli nene.
Watansumba pansi wa civiya icitakweti incito.
Watamila wa nzoka ikalamba;Watazuzya ulunda lwakwe ni vintu vyane ivisuma.
Watansumba ukuomvya manzi.
35 ‘Si unkalwe uwizile pali sweswe na pa mili itu uye pali Babiloni!’ avino antu ya mu Zioni yalanda.
‘Nupya uwazi witu uye pa yantu ya mu Kalideya!’ avino antu ya mu Yelusalemu yalanda.”
36 Fwandi Yeova walanda wati:
Nimamuletela umulinganya,Nupya ndamulandwilako.
Ndakamya yemba wakwe nu kulenga ivisima vyakwe ukupwa.
37 Nupya Babiloni alaya umutumba wa mawe,Umwa kulaala ya nkusa,Nupya alaya ica kuseka ni ca kuzunguka,Kutalaya nu wa kwikalamo.
38 Yonsi pamwi yalang’anza wakwe ya cisama.
Nu kulila wa twana twakwe ya cisama.”
39 “Lino yakuvwa ningo, ndayapekanyizizya umutebeto nu kuleka kuti yakoleke,Pakuti yasansamuke;Lyene ndaleka ukuti yalaale utulo twa manda pe,Nupya yatalatala yazyuke,” avino Yeova walanda.
40 “Ndayasenda wa mfwele zino yakutwala ukwa kuzikomela,Wakwe ya suuku aali pamwi ni mbuzi.”
41 “Iyee vino Syesyaki* watapokwa,Vino umusumba uno antu yonsi amu nsi yalumbanyanga iupokwa!
Vino Babiloni wataya icintu ca kuseka umu nko zyonsi!
42 Yemba wataiza pali Babiloni.
Watamuvimbilikizya na maimbi aingi.
43 Misumba yakwe yatiya icintu ca kuseka, impanga umwaula manzi nupya ulwanga.
Yatiya impanga umutanga mwikale ali wensi nupya kusi nanti aumwi aalapitamo.
44 Ndafulula Beli umu Babiloni,Ndaleka ukuti aswile vino wamila.
Inko zilata ukuya kuli aliwe,Nupya ilinga lya musumba wa Babiloni lilawa.
45 Fumini muli aliwe, mwe yantu yane!
Pususyini maumi inu ku ukali wakwe Yeova!
46 Mutaca mutiine nanti ukuvwa intete pa mulandu ni lyasi ililuvwika umu mpanga.
Mu mwaka onga ilyasi liluvwika,Nupya umu mwaka uwalondelelapo kuluvwika ilyasi na lyuze,Kuli kuti ilyasi lya unkalwe ni lya kulwisyanya kwakwe ya mwene.
47 Fwandi lolini! manda yakwizaLino ndonona ivilubi vya mu Babiloni.
Impanga yako yonsi ilazewana,Ni vitumbi vya yantu yako yonsi aalakomwa vilaya umu mpanga kwene iiya.
48 Mayulu ni nsi na vyonsi ivyayamoVilapunda ni nsansa pa mulandu nu kononwa kwakwe Babiloni,Pano antu aakumonona yaliza kuli aliwe ukufuma uku katutu,” avino Yeova walanda.
49 “Asi sile umu Izlaeli muno Babiloni walenzile antu ukukomwaLelo nu mu Babiloni kwene antu ya mu nsi yonsi yakomwa.
50 Mwemuno imuutuka ulupanga, twalililini ukuutuka, mutimilila!
Mwaiusya Yeova lino muli uku mpanga ya kutali,Mwaiusya na Yelusalemu.”
51 “Tuli ni nsonyi pano ituvwa imiponto, ituzewana.
Pano antu ya ku mpanga yuzeIyazanza incende ya muzilo yakwe Yeova.”
52 Yeova walanda wati: “Fwandi lolini! manda yakwiza,Lino ndonona ivilubi vyakwe,Na antu aacisika yalaaloosya umu mpanga yakwe yonsi.”
53 “Nanti sile Babiloni angaya umwi yulu,Nu kukomya incende zyakwe izya kufisamamo,Aalamonona yaliza ukufuma kuli nene,” avino Yeova walanda.
54 Uvwini! Ukulila kukuvwika umu Babiloni,Iciiunda icikalamba ica kononwa cikuvwika umu mpanga ya Ina Kalideya,
55 Pano Yeova akonona Babiloni,Alazimya izwi lyakwe ilikalamba,Icongo ca yalwani yao cilaya wa congo ca maimbi ya pali yemba.
Mazwi yao yaluvwika.
56 Aakonona Babiloni alamwizila;Asilika yakwe yalasendwa,Maulapwa yao yalakontolwa,Pano Yeova a Leza aakafulula ukulingana ni vicitwa vya muntu.
Umu cumi alamufulula.
57 Ndalenga ya cilolo yakwe na antu yakwe aamano ukukoleka,Kumwi na ya kateeka yakwe, intunguluzi zyakwe, na asilika yakwe,Nupya yalalaala utulo utwa manda pe,Yatalatala yazyuke,” avino Umwene wino izina lyakwe a Yeova wa maumba walanda.
58 Yeova wa maumba walanda nu kuti:
“Ilinga lya musumba wa Babiloni lilononwa nanti cakuti lyasaalala,Ni mpongolo zyakwe zilapya nanti cakuti zyatalimpa.
Antu yalaaombesya ukwaula ica kuzanamo;Antu ya mu nko yalaaitonsya sile uku kuombela ivintu ivilapya.”
59 Yaa ali mazwi yano Yelemiya kasesema wanenyile Selaya mwana Nelya mwana Maaseya lino waile uku Babiloni na Zedekiya umwene wa ku Yuda mu mwaka uwalenga 4 uwa kuteeka kwakwe; Selaya u wangalilanga ivintu vya mwene.
60 Yelemiya walemvile umwi buku lyonga pa ntazi zyonsi izyali nu kwiza pali Babiloni, kuli kuti mazwi yaa yonsi aalemvilwe pali Babiloni.
61 Nupya Yelemiya wanenyile Selaya ati: “Nga waca wiza uku Babiloni uce ubelenge mazwi yaa yonsi umwi zwi lyuvwike.
62 Lyene uce ulande uti, ‘We Yeova walanzile pa ncende yii uti ilononwa nupya mutalasyala umuntu nanti inyama, nu kuti kutalaya uwa kwikalamo amanda pe.’
63 Nupya nga wamala ukubelenga ivili umwi buku lii, uce unyepeleleko iwe nu kulisumbila pakasi ka luzi lwa Yufuleti.
64 Lyene uce ulande uti, ‘Vikwene avino Babiloni alatuwila nupya atalatala afume pa mulandu ni ntazi zino ndaleta pali aliwe; nupya antu aakaikalamo yalatonta sana,’”
Yaa yonsi a mazwi yakwe Yelemiya.
Mafutunoti
^ Lii lifwile i zina lyuze lyakwe Kalideya.
^ Kuli kuti mpanga ya Ina Kalideya.
^ Mu Ciebele: “Nebukadileza,” yii inzila yuze iya kulembelamo izina lii.
^ Lii lifwile i zina lyuze lyakwe Babeli (Babiloni).
