Yobo 11:1-20
11 Zofali Umwina Naamati waswike ati:
2 Uzye mazwi yonsi yaa yangasyala ukwaula ukwasukwa,Nanti uzye ukulanda mazwi aingi kungalenga umuntu ukuya umulungami?
3 Uzye ucilandelande wako ungalenga antu yaye mya?
Uzye yatange yakukalipile pa mazwi yako aamitumfyo?
4 Pano ukalanda uti, ‘Vino nkasambilizya vyaya i visanguluke,Nupya nene musanguluke kuli Leza.’
5 Lelo ndi cakuti Leza sile u walanzile,Nu kuyula imilomo yakwe kuli wewe!
6 Lyene angakusokolwela inkama zya manoPano kwaya ivingi ivya kusambilila pa mano ya cumi.
Lyene uliluka ukuti Leza asilonda ukuti aiusya ukuluvyanya kwako kumwi.
7 Uzye ungamanya ivintu ivizike vyakwe Leza,Nanti ukuvwikisya vyonsi pa wa Maka Yonsi?
8 Mano yakwe Leza yatumpukisya ukucila iyulu. I vyani vino wemo ungacitapo?
Nupya yazikisya ukucila Ilindi.* I vyani vino wamanyapo?
9 Yatalimpa ukucila insiNupya yasaalala ukucila yemba.
10 Ndi cakuti akupita nupya walema umwi nu kumutwala uku cilye,Uzye a weni aangamulesya?
11 Wene akamanya ndi cakuti antu yakubepa.
Uzye angafilwa ukumanya ndi cakuti walola iciipe?
12 Lelo umuntu umuwelewele angiluka sileNdi cakuti punda wa mu mpanga wavyala umuntu.
13 Nga cazifile upekanya sile umwenzo wakoNu kukonzolola makasa yako kuli aliwe.
14 Ndi cakuti ikasa lyako likucita iviipe, uvitaalusye,Nupya utaleka ivintu iviipe vyaikala umu matenti yako.
15 Lyene ungakatusya icinso cako ukwaula umulandu;Nupya ungimilila ukwaula intete.
16 Lyene ulilila uku ntazi zyako;Utalaziusyapo nupya wakwe vino utange uwiusye amanzi aatiyapita.
17 Umi wako ulaswepa ukucila uluswepo ulukayako lino ilanzi lyafika pakasi;Nanti sile i mfinzi ilaya wa katondo.
18 Utalaatiina pano ulaya nu utailo,Nupya ulaacelecensya konsi konsi nu kulaala umu mutende.
19 Ulaalala ukwaula uwa kukutiinya,Nupya aingi yalaalonda ukuti waya ni cikuuku kuli aliyo.
20 Lelo antu aipe yatalalola;Nupya yatalazana incende iya kuutukilako,Nupya imfwa ilaya aali cilambu cao.
Mafutunoti
^ Mu Ciebele: “Syeo.” Lolini Ulondolozi wa Mazwi.
