Yobo 12:1-25
12 Lyene Yobo waswike ati:
2 “Cumi kwene mwemwe mwamanya,Nupya mano yalafwila pamwi namwe!
3 Nani kwene nkailuka.
Mutacindama ukuncila.
Uzye a weni aatamanya ivintu vii?
4 Anji yakunsenka,Nkupepa kuli Leza pakuti angasuke.
Umuntu umulungame nupya uwaula umulandu akusekwa.
5 Umuntu uwikala ningo wapata ukucula,Akaelenganya ukuti ukucula ukwa yantu yano ingazo zikatelengana.
6 Matenti ya vipondo yacingililwa,Nupya yayo aakasosya Leza yacingililwa,Yano yaikwatila ya leza yao.
7 Nomba uuzye inyama nazyo zimakusambilizya,Nupya uuzye ivyunyi navyo vimakunena.
8 Nanti uuzye insi nayo imakusambilizya,Nupya uuzye inswi ya muli yemba nayo imakunena.
9 I cili kwi pali vii vyonsi icitamanyaUkuti ikasa lyakwe Yeova i lyacita vii?
10 Umi wa cintu consi ica umi waya umu minwe yakweKumwi nu mupasi* uwa muntu ali wensi.
11 Uzye ikutwi lisiezya mazwiWakwe vino ululimi lukauvwa ndi cakuti ivyakulya ivilyompa nanti foo?
12 Uzye aakote asi aliyo yakwata mano,Nu kwiluka uzye kusifuma uku yantu aatiikala pa manda aingi?
13 Leza wene wakwata mano na maka,Akailuka nupya alafikilizya ukulonda kwakwe.
14 Ndi cakuti waongolola cimwi, citanga cikuulwe nupya,Nga wayala, kusi umuntu aangayula.
15 Nga walesya imvula ukutoonya vyonsi pano nsi vikauma,Nupya nga walenga ukuti imvula itoonye insi ikaundwa.
16 Leza wene wakwata maka na mano,Umuntu umuponge na aakaponzya auze yonsi aantu yakwe;
17 Akalenga ya mpandamano ukupita pansi ukwaula ivyakungazo,Nupya akalenga ya kapingula ukuya aawelewele.
18 Akasapula maceni yano aene yanyepa,Nupya akanyepa imisipi umu misana yao.
19 Akalenga ya simapepo ukupita pansi ukwaula ivyakungazo,Nupya akapoka aakwata ivifulo vya papela maka;
20 Akapoka mazwi ya mpandamano aatailwaNupya akapoka akote amano;
21 Akazewanya antu aacindikwe,Nupya akalenga antu aakwatisya maka ukuya aatonte;
22 Akasokolola ivintu ivyafiswa umu mfinzi,Nupya akaleka imfinzi ikalamba ukuya uluswepo;
23 Akalenga inko ukuya na maka pakuti azyonone;Nupya akavuzya inko pakuti azitwale umu uzya.
24 Akaleka intunguluzi zya yantu zitailukaNupya akalenga zyalulumba umu lwanga umutaya imiseo.
25 Zikapulupunta umu mfizi, umutaya uluswepo;Akalenga zyalulumba wa yantu aatiyakoleka.
Mafutunoti
^ Nanti “umupu.”
