Yobo 14:1-22
14 Umuntu aakavyalwa uku mwanaci,Akaikala sile insita inono nupya akakwata sana intazi.
2 Akawalula wi luwa nupya akaonza;Akapita wa cinzingwa nu kuponga.
3 Ukaika mano pali aliwe,Nupya ukamupingula wemwineco.
4 A weni aangakwata umwana umusanguluke lino wene asi musanguluke?
Cico citanga cicitike!
5 Ndi cakuti amanda yakwe yapendelwa limwi,Ale wewe ungamanya impendwa ya myezi yakwe;Wikila limwi pano alinzile ukupelela nupya atange apitililepo.
6 Leka ukumulolekesya pakuti apuze,Ukufikila amale uwanda wakwe, wakwe vino cikaya uku muomvi wino iingizya incito.
7 Pano nu muti kwene ukaya nu upaalilo.
Ndi cakuti yautema, ukapuuka nupya kwene,Nu tumisambo tukatwalilila ukukula.
8 Ndi cakuti misila yakota umu musiliNi cisiki cumila umu musili,
9 Nga kwaya umunyezi cikapuuka;Nupya cikakwata imisambo wa cimelwa iciteku.
10 Nomba umuntu akafwa nupya asikwata maka;Ndi cakuti umuntu wafwa, uzye ale waya kwi?
11 Amanzi yakakama muli yemba,Nu luzi lukakama iluma nu kuuma.
12 Umuntu nawe kwene akalaala nupya asikatuka.
Iyulu nga lyatwalilila ukuyako atalatala azyuke,Nupya kusi alatala amuzyule umutulo.
13 Iyee mwe fwandi nga wamfisile umwi Lindi,*Nga wamfisile mpaka ukali wako iupita,Nupya nga wapimile insita yane nu kunjiusya!
14 Ndi cakuti umuntu wafwa, uzye angaya nu umi nupya?
Ndaloleela manda yane yonsi aakuomba umulimo wa kupatikiziwaMpaka insita ya kupuuza kwane ikafike.
15 Ulama nani ndaasuka.
Ulalondesya ukulola umulimo wa minwe yako.
16 Nomba lyene ukalondelezya pali tonsi tuno nkacita;Nupya ukalolekesya sile pa membu zyane.
17 Watuyalila ukuluvyanya kwane umu cola,Nupya watukambatika imembu zyane na gulu.
18 Wakwe vino umwamba ukapona nu kuongolokaAlino na vino iciliwe cikapona ukufuma pano cikala,
19 Wakwe vino manzi yakakuzulula maweNa vino inguzi zikasenda umusili,Avino naawe watuonona upaalilo wa muntu umwina kufwa.
20 Ukatwalilila ukumutonsya suka ace alowe;Ukasenula imilolekele yakwe nu kumuzinga.
21 Ana yakwe yakacindikwa lelo wene asimanya;Yakasuulwa lelo wene asiiluka.
22 Akauvwa ukuwaya kwa mwili wakwe;Akaloosya sile lino acili nu umi.”
Mafutunoti
^ Mu Ciebele: “Syeo.” Lolini Ulondolozi wa Mazwi.
