Yobo 16:1-22
16 Lyene Yobo waswike ati:
2 “Natandika mpiti ukuvwa ivintu ivingi wakwe vii.
Kuteekezya kwinu mwensi kukundetela sile intazi!
3 Uzye a lilaci lino mulata ukulanda mazwi ya sile sile?
I vyani vyativikusosya pakuti walanda vii?
4 Ndi cakuti mwemwe mwacuulanga wakwe vino nkucula,
Nani kwene ningalanda wakwe vino mukulanda.Ningalanda ivintu ivingi iviipe pali mwemweAla nkuteensya nu mutwe.
5 Nomba ntanga incite vivyo, ningalanda mazwi aakumukomelezya,Nupya ningamuteekezya pakuti muvweko ningo.
6 Ndi cakuti nkulanda ukali wane usikucepa,Nupya nga nata ukulanda, uzye alino ukali wane umacepako?
7 Nomba lyene watantonsya;Watazanza ing’anda yane yonsi.
8 Nkaculila umu minwe yakwe na antu yasininkizya cii,Inonda sana nupya ukonda kwene kuu u kuli wakwe kambone aakunsinila.
9 Ukali wakwe iunsandola nupya watampata.
Watandumanyizizya incecete.
Mulwani wane watantanwila manso.
10 Yakungasamwila utunwa twao,Nupya yakunguma umu matama pakuti yantumfye;Maumba akalamba yakankatukila pakuti yandwisye.
11 Leza watampeela uku yalumendo,Nupya watansumbila umu minwe ya antu aipe.
12 Nikalanga ukwaula ukucuula nomba Leza wantamozile;Wantitiile pa nsingo nu kunsandola;Lyene akandasa ni nceto.
13 Ya kalasa ya nceto ukufuma kuli aliwe iyanzinguluka;Watatulula imfyo zyane ukwaula nu kuvwa uluse;Watapongolwela induzya yane pansi.
14 Watalepula umwili wane onsi wa ciumba;Watasimwilila kuli nene kwati u musilika.
15 Insuma masaaka pakuti ayano navimba umwili wane,Inzika ucindami* wane umu lukungu.
16 Cinso cane iciyenza pa mulandu nu kulila,Na pa nkopyo zyane pali imfinzi,
17 Nanti cakuti ntatala nacitapo unkalweNupya ni ipepo lyane lyaya i lisanguluke.
18 We nsi we utavimba uwazi wane!
Nupya utaleka inkwate incende apakulilila!
19 Nupya na pakwene kambone wane ali umwi yulu;Uwakunsinila ali umupela.
20 Ya cuza yane yakuntumfyaNomba nkulilila* kuli Leza.
21 Si umwi apingule nu mulinganya pakasi ka muntu na Leza,Wakwe vino umwi angapingula pakasi ka yantu yaili.
22 Pano imyaka ino insyala nayo iinono,Ndapita nupya ntalawela.