Yobo 17:1-16
17 “Maka ya umi wane iyasila, manda yane iyasila;Ilindi likundoleela.
2 Aakanseka iyanzinguluka,Nupya manso yane yakulolekesya ivicitwa vyao ivya ucipondoka.
3 We Leza si undaye ukuti ulangazwa.
Uzye a weni muze aalangazwa?
4 Wayafisa ukwiluka;Ali mulandu uno usiyacindamikila.
5 Umuntu umwi angapeela ya cuza yakwe vino wakwata,Lino ana yakwe yakucuula uku nzala.
6 Leza watalenga kuti antu yanseka,Icakuti yakunswila mati pa manso.
7 Manso yane iyatonta pa mulandu nu kucuula,Makasa na makulu yane yali wa cinzingwa.
8 Antu aalungame yakuzunguka pali cii,Nupya uwa kaele watasokela umusangu.
9 Umulungami akatwalilila ukucita ivilungame,Nu muntu umusanguluke akakwatilako amaka.
10 Lelo mwensi twalililini ukupaazya,Pano ntazanyile uwa mano pali mwemwe.
11 Manda yane iyasila;Mapange yane na vino umwenzo wane ukalondesya ukucita ivivulunganyiziwa.
12 Yakasangula usiku ukuya umusanya,Yakalanda ukuti, ‘uluswepo luli umupiipi pa mulandu ni mfinzi.’
13 Ndi cakuti naloleela, Ilindi* lilaya ali ng’anda yane;Nupya mumu kwene amuno ndanza apa kulaala umu mfinzi.
14 Indama iciwina inti, ‘Wewe uli tata!’
Ni ngonyo inti, ‘Wewe uli mayo nupya kaci wane!’
15 Nga lyene upaalilo wane uli kwi?
Nupya a weni angalola ukuti nkweti upaalilo?
16 Upaalilo ulaya ukwi Lindi*Lino swensi kwene tulatelemukila pamwi uku lukungu.”
Mafutunoti
^ Mu Ciebele: “Syeo.” Lolini Ulondolozi wa Mazwi.
^ Mu Ciebele: “Syeo.” Lolini Ulondolozi wa Mazwi.
