Yobo 20:1-29
20 Zofali Mwina Naamati waswike ati:
2 “Ali mulandu uno melenganyo yane aakuncuzya yalenga ukuti nasukePano nkuvwa sana uyi.
3 Inuvwa ukusalapula ukwa kuntuka;Nupya ukwiluka kwane kwampatikizya ukwasuka.
4 Ufwile wamanya vino nimakunena,Pano vivyo kwene avino caya ukufuma pano Leza waumbiile umuntu,
5 Ukuti insansa zyakwe ya kacita ya viipe i zya pa nsita inonoNu kusansamuka kwa yasangu u kwa pa kasita sile.
6 Nanti cakuti ucindami wakwe ukafika sile nu mwi yuluNu mutwe wakwe ukafika umu makumbi,
7 Alalowa manda pe wa usaali wakwe;Aamulolanga yaluzya yati, ‘Uzye ali kwi?’
8 Alapapuka wa ciloto, nupya yatalamuzana;Alazingwa wa cilolwa ca usiku.
9 Aamuweni yatalatala yamulole nupya,Nupya atalatala aloleke umu ng’anda yakwe.
10 Ana yakwe yalalonda ukutemwikwa uku yapiina,Nupya alaswilizizya yauze ivyuma vyao.
11 Amafupa yakwe yaali na maka ya ku ulumendo,Lelo maka yakwe yalalaala pamwi nawe umu lukungu.
12 Ndi cakuti icintu ciipe cuvwika ukulyompa umu kanwa kakwe,Ndi cakuti wacifisa umwisika lya lulimi lwakwe,
13 Nupya ndi cakuti wacileka umu kanwa ukwaula ukucimilaNu kutwalilila ukucivwata,
14 Nga cingila umunda cilalula;Cilaya wa usungu wakwe ngosye muli aliwe.
15 Wamila ivyuma, lelo alaviluka;Leza alavifumya umu lunda lwakwe.
16 Alonka usungu wakwe ya ngosye;Ululimi lwa nzoka ya usungu lulamukoma.
17 Atalatala alole utunguzi twa manzi,Nu tunguzi twa uci nu mukaka.
18 Alasya ivyuma vyakwe ukwaula ukuti aviomvye;Atalaipakizya ivyuma vino walonka.
19 Wafyenga umupiina nu kumulekelezya;Wapoka ing’anda ino ataakuuzile.
20 Atalayuvwa uwa mutende;Ivyuma vyakwe vitalamupususya.
21 Atasyala nanti acimwi icakuti angalya;Ali mulandu kwene uno icuma cakwe citalatwalilila.
22 Lino alakwata ivyuma ivingi, alaasakamikwa;Ivintu iviipe vilamucitikila.
23 Lino walya wikuta,Leza alamusokela sana,Nupya alalenga iviipe ukwiza pali aliwe wa mvula.
24 Ndi cakuti utuka ivyanzo vya cela,Inceto ukufuma uku ulapwa wakwe koopa zilamulasa.
25 Akasomola uluceto ulwati lumulasa ukwitundu,Icanzo iciyengese icaticimulasa umu nduzya,Nupya intete zikamulema.
26 Imfinzi ikalamba ikaloleela ivyuma vyakwe;Umoto uno kusi uwapemvile ulamoca;Intazi ikaloleela asyala umwi tenti lyakwe.
27 Iyulu lilasokolola ukuluvyanya kwakwe;Insi ilamukatukila.
28 Mulamba alasenda ing’anda yakwe;Kulaya sana mulamba pa wanda wa ukali wakwe Leza.
29 Vikwene avino Leza alacitila umuntu umwipe,Cilaya ali ca upyanyi cakwe kufuma kuli Leza.”
