Yobo 21:1-34
21 Yobo waswike ati:
2 “Kutikisyini kuli vino namalanda;Ndi cakuti mwacita vivyo alino namateekeziwa.
3 Muteekele lino nkulanda;Lyene pa cisila alino mumantumfya.
4 Uzye nkuilizyanya uku muntu?
Ndi cakuti avino cili, uzye ntanga inte ukuteeka umwenzo?
5 Ndolekesyini nupya muzunguke;Ikini makasa inu pa tunwa.
6 Nga nelenganyapo nkavulunganyiziwa,Nupya umwili wane onsi ukazakaza.
7 U mulandu ci uno antu aipe yakatwalilila ukuya nu umi,Iyakota nu kukwata ivyuma?
8 Yonsi yakaya na ana yao umupiipi,Nupya yakalola ni vizikulula vyao.
9 Mang’anda yao yakaya acingililwe, yasiuvwa intete,Nupya Leza asiyafulula uku mukota wakwe.
10 Ya cipambasi yao yakwata maka ya uvyazi;Ni ng’ombe zyao izya kaci zikakwata utwana nupya zisipulumula.
11 Ana yao alumendo yakacinila panzi kwati imfwele,Nupya ana yao yakatolooka.
12 Yakaimba ala yakulizya utungoma na mazeezeNupya yakasansamuka lino imitolilo ikulila.
13 Yakaipakizya manda yao ala iyateeka imyenzoNupya yakaya ukwi Lindi* mu mutende.
14 Lelo yakanena Leza wa cumi iyati, ‘Tuleke!
Tusikulonda ukumanya masunde yako.
15 Uzye uwa Maka Yonsi a weni uwakuti twaombela?
I visuma ci vino tulakwata ndi cakuti twamumanya?’
16 Lelo namanya ukuti yatakwata maka aakulenga ivintu ukuyazipila.
Ukupanda mano kwa yantu aipe kwaya ukutali nani.
17 I miku inga ino lampi wa yantu aipe akazima?
I miku inga ino uzanzo ukayaponela?
I miku inga ino Leza akayonona pa mulandu nu ukali wakwe?
18 Uzye yatala yayapo wi sote ilikululwa nu muzaNanti wa vipumbu ivikululwa nu muza ukalamba?
19 Leza alafulula ana ya mwipe pa mulandu ni viipe vyakwe ya isi.
Si Leza afulule umwipe pakuti amanye ukuti vino wacita i viipe.
20 Si ailolele vino akononwa,Nupya si aliwe amwe ukali wa wa Maka Yonsi.
21 Pano ndi cakuti imyezi iya umi wakwe yacefiwaUzye angasansamukila umu yana yakwe lino watafwa?
22 Uzye a weni aangasambilizya Leza mano,Lino aliwe akapingula acindame?
23 Umuntu umwi akafwa lino ali na makaLino ali nu mutende nupya atakweti masakamika,
24 Lino impamba zyakwe zikweti mafutaNupya lino mafupa yakwe aakome.
25 Lelo umuntu muze wene akafwa ala ali sana na masakamika,Ukwaula ukuipakizyapo ivintu visuma.
26 Yonsi yoili yakalaala umu lukungu,Nupya ingonyo zikayalya.
27 Imanya ningo vino mukwelenganyaNi viipe vino mukupanga ukuncitila.
28 Pano mukati, ‘Aekwi ukwayela ing’anda ya muntu umucindame,Nupya itenti umwikalanga umwipe lili kwi?’
29 Uzye mutuzya atandazi?
Uzye mutazumila pali vino yalondelezya,
30 Ukuti umuntu umwipe akapusuka pa wanda wa uzanzoNu kukululwa pa wanda wa ukali?
31 A weni alamunena ukuti vino akacita vitaaya ningo,Nupya a weni alamulipila pali vino akacita?
32 Lino yamutwala uku malindi,Kulaya uwa kulinda ilindi lyakwe.
33 Akapuuza umu mutende umu musili wa mu mukonko,Nupya antu yonsi yakamukonkaWakwe vino cali uku yantu imintapendwa aamukolelile.
34 U mulandu ci uno mukunteekezezya ivya ufi?
Umu vyasuko vinu muli ufi utupu!”
Mafutunoti
^ Mu Ciebele: “Syeo.” Lolini Ulondolozi wa Mazwi.
