Yobo 22:1-30
22 Lyene Elifazi Umwina Temani waswike ati:
2 “Uzye umuntu angakwata umulimo umwi kuli Leza?
Nanti sile umuntu wa mano uzye angakwata umulimo kuli Leza?
3 Uzye Uwa Maka Yonsi akasansamuka pa mulandu wakuti wewe umulungami,Nanti akakwata icili consi pa mulandu wakuti wewe uwa kaele?
4 Uzye alakupingulaNu kukutwala uku cilye pa mulandu wakuti ukamutiina?
5 Uzye asi pa mulandu nu kuvulisya kwa viipe vyakoNupya ukuluvyanya kwako kusisila?
6 Pano ukapoka aina yako ica kulemelamo pali vino ya kukongola apaula umulandu,Nupya ukazula antu ivyakuzwala vyao nu kuyasya tupu.
7 Usipeela umuntu uwatatonta manzi ya kumwa,Nupya usipeela umuntu aali ni nzala ivyakulya.
8 Impanga i ya muntu uwakwatisya maka,Nupya u watemwikwa aakaikalamo.
9 Nomba walekanga ya mukamfwilwa ukupita minwe,Nupya wacisanga makasa ya yana ya nsiwa.
10 Ali mulandu uno wazingulukilwa ni viteyo,Nupya ivintu ivyaula ukwenekela vikakutiinya;
11 Ali mulandu uno kuyelile sana imfinzi cakuti utanga ulole,Nupya mulamba atakuvimbilikizya.
12 Uzye Leza asiikala umwi yulu umupela sana?
Nupya lola vino intanda ziikala umupela sana.
13 Nomba ukulanda ukuti: ‘I vyani vino Leza wamanya?
Uzye angapingula umu mfinzi ikalamba?
14 Makumbi yakamucinga pakuti atalolaLino akuzinguluka umwi yulu.’
15 Uzye ulakonka inzila ya mpitiIno antu aipe yapisilemo,
16 Antu aasenzilwe lino insita yao itatala yafika,Yano umufula wao wasenzilwe na mulamba?
17 Yanenanga Leza wa cumi iyati: ‘Tuleke sile swenga!’
Nu kulanda ukuti ‘I cani cino Uwa Maka Yonsi angacita kuli sweswe?’
18 Lelo aliwe wazuzizye ivintu ivisuma umu mang’anda yao.
(Imyelenganyizizye iipe iya musango uuwo yatipusana ni myelenganyizizye yane.)
19 Umulungami alalola cii nupya alasansamuka,Nupya uwa kaele alayaseka nu kulanda ati:
20 ‘Alwani itu iyononwa,Nupya umoto uloca ivintu vyao ivyativisyalapo.’
21 Manya Leza, nupya ulaya nu mutende;Lyene alino ivintu vilakuzipila.
22 Uwauvwila masunde yakwe,Nupya uwasunga mazwi yakwe umu mwenzo wako.
23 Ndi cakuti waswilila uku wa Maka Yonsi, ivintu vilakuzipila nupya kwene;Ndi cakuti wafumya iviipe umwi tenti lyako,
24 Ndi cakuti wasumbiile goldi wako umu lukunguNu kusumbila goldi wa ku Ofili umu mikonko ya mawe,
25 Lyene Uwa Maka Yonsi alaya ali goldi wako,Nupya alaya ali siuva wako umusuma sana.
26 Pano lyene ulasansamukila umu wa Maka Yonsi,Nupya ulakatusya icinso cako kuli Leza.
27 Ulamupaapata, nawe alakuvwa;Nupya ulafikilizya imilapo yako.
28 Ulakwanisya ukucita vyonsi vino wapingulapo,Nupya uluswepo lulaya umu nzila yako.
29 Pano ulazewana ndi cakuti ukulanda cilumba cilumba,Lelo Leza alapususya aicefya.
30 Leza alapususya antu akaele;Fwandi ndi cakuti minwe yako iisanguluke, alakupususya.”
