Yobo 23:1-17
23 Lyene Yobo waswike ati:
2 “Ni lelo kwene nkuilizyanya, nsikuzumila pali vino vikuncitikila;Intonta pa mulandu nu kufuteeka.
3 Ndi cakuti namanyile kuno ningazana Leza!
Ningaya kuno akaikala.
4 Ningatwala umulandu kuli aliweNupya ningaya nkapaazyanye sana nawe;
5 Ningamanya vino angaya akangasukeNu kwika mano kuli vino anganena.
6 Uzye angalwisyanya nani ukuomvya maka yakwe akalamba?
Awe, angakutika kuli nene.
7 Kuuku kwene akuno imilandu ya mulungami ingasilila,Nupya kuuku kwene akuno kapingula wane angamalila imilandu yane yonsi.
8 Lelo nga naya uku ufumondaka asizanwa;Nupya nga nawela nalyo kwene nsimuzana.
9 Nga akuombela kuli cimani nsimulola;Nupya nga wapiliukila ukwi lunji, nalyo kwene nsimulola.
10 Lelo Leza wamanya inzila ino nkapitamo.
Ndi cakuti wanjengulula, nkafuma wakwe goldi umwengululwe.
11 Nkaezya sana ukukonka muno akulyata;Nkamukonka muno akupita ukwaula ukupaaluka.
12 Ntatala nafuma umu masunde yakwe.
Nasunga mazwi yakwe ukucila na pali vino ndinzile ukucita.
13 Ndi cakuti wapingulapo ukucita cimwi, uzye a weni angamulesya?
Ndi cakuti akulonda ukucita cimwi, akacicita.
14 Pano alacita vyonsi vino akalonda ukuncitila,Nupya akaiusya ivintu ivingi vya musango uwo.
15 Ali mulandu kwene uno nkasakamalila pali aliwe;Ndi cakuti nelenganya pali aliwe, nkauvwa sana intete.
16 Leza watantonsya pa mulandu nu kuntiinya,Uwa Maka Yonsi watalenga inje ni ntete.
17 Lelo imfinzi italenzile ukuti inje myaNanti cakuti yatimvimbilikizya icinso.
