Yobo 24:1-25
24 “U mulandu ci uno uwa maka yonsi atiikilako uwanda wa upinguzi?
U mulandu ci uno yayo aamumanya yasilolela uwanda wakwe?
2 Antu yakasezya imipaka;Yakaiya imfwele nu kuzitwala uku ncende yao iya mulemvwe.
3 Yakapoka punda uwa yana ya nsiwaNupya yakapoka cipambasi wakwe mukamfwilwa kuti aye ica kulemelamo pali vino wakongola.
4 Yakapatikizya aapiina ukufuma umu museo;Antu amu nsi aatakwata aakuyazwa yakayafisama.
5 Aapiina yakalonda ivyakulya wakwe ya punda ya mu mpanga aakaikala umu lwanga;Yakalondela ana yao ivyakulya umu lwanga.
6 Yakazombola umu calo ca muntu muzeNupya yakatolelezya umu calo ca myangazi ica muntu umwipe.
7 Yakalaala tupu usiku;Yataakwata ivyakuvimbala lino kuli impepo.
8 Yakatipata uku mvula ya mu myamba;Yakakambatila uku vimawe pa mulandu wakuti yatakwata umwakwikala.
9 Umwana wa nsiwa akasompolwa ukwi yele;Nupya umupiina akapokwa ivyakuzwala pakuti viye ivya kulemelamo pa vintu vino wakongola,
10 Yakayapatikizya ukupita tupu,Nupya yakaya ni nzala lino iyasenda imyanzi ya ngaano.
11 Yakatwalilila ukuomba na lino kasanya ikawala;*Yakalyatoola imyangazi nomba ala yali nu lusala?
12 Aali umupiipi nu kufwa akatwalilila ukuteta umu musumba;Wino iyacisa sana akaleenga uwazwilizyo,Lelo Leza asilola ukuti cico cisi ningo.
13 Kwaya antu aakapondokela uluswepo;Yatamanya inzila zya luswepo,Nupya yasizilondela.
14 Umuntu inkomi akakatuka uku macaca;Akakoma umulanda nu mupiina,Nupya usiku akaya umu kwiya.
15 Umuntu aakacita uucende akaloleela pafiite,Akalanda ati: ‘Kusi aamandola!’
Nupya akaivimba pa manso.
16 Usiku aapuupu yakatama mang’anda nu kwingilamo;Umusanya yakaiyalila.
Yatamanyikwa uku luswepo.
17 Kuli aliyo katondo kaya kwati imfinzi;Yaelezya ivintu ivikatiinya antu umu mfinzi.
18 Lelo yakasendwa na manzi zuwa zuwa.
Impanga yao ilatiipwa.
Yatalaswilila uku vyalo vyao ivya myangazi.
19 Wakwe viivi kwene vino icilala ni cikailila vikasenda usu wa mvula uwatiusunguluka,Avino ni Lindi* likasenda atiyayembuka!
20 Nyina alamwilila, ingonyo zilamulya.
Kusi alamwiusya.
Nupya umuntu asi mulungame alakontolwa wa muti.
21 Akacuzya umwanaci ing’umba,Nupya akacuzya mukamfwilwa.
22 Leza alaomvya amaka yakwe uku konona antu aamaka;Nanti cakuti yangakatuka, yatalakwata icilambu ca kuya nu umi.
23 Leza akaleka ukuti yataatiina nupya yaikala umutende,Lelo akalola vyonsi vino yakacita.
24 Yakacindamikwa pa kasita sile kanono, lyene yasitwalilila ukuyako nupya.
Yakacefiwa nu kukolonganikwa wa yantu yonsi;Nupya yakatinkulwa kwati imitwe ya ngaano.
25 Uzye lyene a weni aangansinila ukuti nene wa ufiNanti ukuti mazwi yane aasile sile?”
Mafutunoti
^ Nanti limwi, “yakatwalilila ukufena mafuta umu viumba vya mawe.”
^ Mu Ciebele: “Syeo.” Lolini Ulondolozi wa Mazwi.
