Yobo 27:1-23
27 Yobo watwalilile ukulanda ati:
2 “Nkulapa umwi zina lyakwe Leza wa umi uwampoka umulinganya,Nupya nkulapa umwi zina lya wa Maka Yonsi uwalenga umi wane ukulula,
3 Ndi cakuti ncili nkufuutaNupya umupu wakwe Leza ucili umu mpuno zyane,
4 Milomo yane italatala ilandepo ivintu iviipe;Nu lulimi lwane lutalatala lulande ivya ufi!
5 Cisi ningo ukuti ndande ukuti mwemwe yalungami!
Mpaka ince imfwe ntalatala inte ukuya uwa kaele!
6 Ndatwalilila ukuya umulungami nupya ndatwalilila ukucita vivyo kwene;Umwenzo wane utalaampeela imilandu amanda yonsi aa umi wane.
7 Si alwani yane yaye wa yantu aipe,Yayo aakanzanza yaye wa yantu asi yalungami.
8 Pano uupaalilo ci uno umusangu akakwata ndi cakuti ononwa,Lino Leza wamukoma?
9 Uzye Leza aluvwa ukulila kwakweLino intazi iza pali aliwe?
10 Nanti uzye Uwa Maka Yonsi alamutemwa?
Uzye alaalilila kuli Leza lyonsi?
11 Namamisambilizya pa maka yakwe Leza;Ntamafisa icili consi pa wa Maka Yonsi.
12 Ndi cakuti mwensi mwalola ivilolwa,U mulandu ci uno imilandile inu iyelile iya sile sile?
13 Vikwene avino Leza akacitila antu aipe,Ali ca upyanyi ca yankalwe ukufuma uku wa Maka Yonsi.
14 Nanti cakuti ana yakwe yavula, yalafwa uku lupanga,Nupya ana yakwe yatalakwata ivyakulya ivikumanile.
15 Yayo aalapusuka yalafwa uku cinkunka,Nupya ya mama yao yatalayaloosya.
16 Nanti cakuti watuulika siuva wa mutumba wa lukunguNu kutuulika ivyakuzwala ivisuma wa mutumba wi vu,
17 Nanti cakuti wavikolonganika,Umuntu mulungame aalavizwala,Nupya umuntu uwa kaele aalankanya siuva yakwe.
18 Ing’anda ino akakuula yatonta wa ka ng’anda kano icipepelya ca usiku cikapanga,Nupya yaya wa nsakwe ino umulinzi akapanga.
19 Alaya umu kulaala ala u mukankala lelo atalakolonganika nanti acimwi;Lino wazyuka atalazana nanti acimwi.
20 Intazi zikamuponela wakwe mulamba;Nupya umuza wa maka ukamusenda usiku.
21 Umuza wa ku ufumondaka ulamusenda, nupya alapita;Ulamufumya pa ncende yakwe.
22 Ulapungila pali aliwe ukwaula uluseLino akwezya na maka ukuti autuke.
23 Caya kwati umuza ukamutumfyaNu kumuseka pa ncende yakwe.
