Yobo 28:1-28
28 “Kwaya incende kuno yakaimba siuvaNi ncende ukukazanwa goldi wino yakaengulula;
2 Icela cikafuma umu musili,Na koopa akasungululwa ukufuma uku vimawe.
3 Muntu akacimvya imfinzi;Akafika kuno imfinzi ikalamba yapelela,Ala akulonda mawe.
4 Akafuma umu ncende zino antu yakaikalamo nu kwingila umukasi sana,Umu ncende zino antu yasiiusya izyaya ukutali nu mukapita antu;Antu yamwi yakatentemuka ukuomvya intambo.
5 Ivyakulya vikamela papela ya nsi;Lelo apisika pakaloleka kwati papya nu moto.
6 Umu mawe umukazanwa safilo,Umu lukungu namo umukazanwa goldi.
7 Kusi lyang’anda uwamanya inzila;Mweye mutifi ataatala wailolapo.
8 Kusi icilyanyi ca mpanga ica maka icatala capitamo umu nzila iiyo;Na cisama umunono nawe kwene ataatala wapitamo.
9 Umuntu akakonzolola ikasa nu kuma umu ciliwe;Akapenola imyamba pano iikala.
10 Akapanga imifolo ya manzi umu ciliwe;Akalolekesya ivintu vyonsi ivya mutengo.
11 Akacilika intulo izya nguziNupya akasokolola ivyafiswa.
12 Nomba uzye aekwi ukungazanwa mano,Nupya uzye intulo ya kwiluka yayela kwi?
13 Kusi umuntu angamanya ucindami wa mano,Nupya yasizanwa umu mpanga ya yantu ya umi.
14 Manzi azike yakati, ‘Mano yasi muli nene!’
Na yemba akati, ‘Mano yasi nani!’
15 Yatanga yakalwe na goldi umwengululwe;Nanti ukupima siuva uwa kukauzyanya nayo.
16 Yatanga yakalwe na goldi wa ku OfiliNanti amawe aasilolekaloleka yano yakati onikisi na yano yakati safilo.
17 Goldi ni gilasi vitanga vilinganyiziwe uku mano;Nanti ukuyakauzya ni civiya icapangilwa na goldi umusuma.
18 Mawe yano yakati kolo na yano yakati kilisito yatacindama wakwe vino mano yacindama,Pano mano yacindama ukucila icola icaticizuula mawe ya mutengo.
19 Amawe yano yakati topazi aa ku Kusyi yatanga yalingane na mano;Nanti sile a goldi umwengulule atanga akale mano.
20 Nomba uzye aekwi ukukafuma mano,Nupya aekwi ukukafuma ukwiluka?
21 Yafiswa, yasiloleka uku vintu vya umi vili vyonsiNupya yafiswa yasiloleka uku vyunyi.
22 Uwononesi ni mfwa vikalanda iviti,‘Tuvwako sile apa mano.’
23 Leza u wamanya inzila iikatungulula uku mano;Aliwe sile uwamanya kuno mano yakazanwa,
24 Pano Leza akalola kuno insi yapelela,Nupya wene akalola vyonsi ivyaya umu nsi.
25 Lino wisile maka ya muzaNu kupima manzi
26 Lino wikiile imvula isundeAlino ni nzila umwa kupita ukupangalakansya,
27 Lyene alino waweni amano nupya wayalondolwile;Walesile ukuti yayeko nupya wayezizye.
28 Wanenyile umuntu ati:
‘Ukutiina Yeova ali mano,Nu kutaluka uku viipe ali kwiluka.’”
