Yobo 29:1-25
29 Yobo watwalilile ukulanda ati:
2 “Nga cazifile sile inja wakwe vino nali mpiti,Lino Leza wancingililanga,
3 Lino wankozezyanga lampi wakwe pa mutwe,Nupya lino napitanga umu mfinzi ukuomvya uluswepo lwakwe,
4 Lino nali umwance nupya umukome,Lino nalolanga ucuza wakwe Leza umu ng’anda yane,
5 Lino Uwa Maka Yonsi wali nani,Lino ana yane yali nu umi,
6 Lino nalyatanga umu mukaka utimbe,Nupya lino ivimawe vyampongolwelanga mafuta kwati inguzi.
7 Lino nayanga pa mpongolo ya musumbaNupya lino nikalanga umu musolo wa musumba.
8 Alumendo nga yandola yansiilanga inzila,Na akote kwene yakatukanga nu kutwalilila ukwimilila.
9 Ya cilolo yaatanga ukulanda;Iikanga iminwe pa kanwa.
10 Antu acindikwe yayanga mya;Indimi zyao zyalematilanga umu kanwa.
11 Wensi uwanguvwanga walandanga ivisuma pali nene,Na yonsi aandolanga yamvwangilangako.
12 Pano napususyanga umupiina uwalondekwanga uwazwilizyoKumwi nu mwana wa nsiwa na wensi ataakweti uwa kumwazwa.
13 Ali umupiipi nu kufwa wampaalanga,Nupya nasansamusyanga mukamfwilwa.
14 Nazwalanga ulungami kwati icakuzwala;Nu mulinganya wane wali kwati umwingila nupya wali kwati icitambala.
15 Nali kwati nene amanso uku mpafuNupya nali kwati nene makulu ku vilema.
16 Nali isi uku muntu umupiina;Nalondelezyanga umulandu wa muntu wino ntamanyile pakuti apingulwe nu mulinganya.
17 Natamanga inzekete zyakwe kacita wa viipeNu kupususya wino watalema.
18 Nalandanga inti, ‘Ndafwila umu ng’anda yane,Nupya amanda yane yalavula wa mucanga.
19 Misisi yane ilasalanganila umu manzi,Nupya ulumi lulikala usiku onsi pa misambo yane.
20 Ucindami wane ulatwalilila,Nu ulapwa uuli umu minwe yane ulatwalilila ukulasa.’
21 Antu yalondesyanga ukukutika kuli nene,Ala yali mya pakuti yuvwe vino nimayapandako mano.
22 Nga namala ukulanda yatakwatanga ivili vyonsi vya kulandapo;Mazwi yane yuvwikanga ningo kuli aliyo.
23 Yandoleelanga wakwe vino yangaloleela imvula;Yaloleelanga wakwe vino antu yangaloleela imvula ya kusyalikizya.
24 Ndi cakuti nayamwentwila yafilwanga ukuzumila,Uluswepo lwa cinso cane lwayakomelezyanga.
25 Nayatungululanga,Nupya nikalanga wa mwene aali na asilika yakwe,Wakwe wino akuteekezya aakuloosya.
