Yobo 30:1-31
30 “Lyene ance pali neneYakunsekaYano nali nu kukaanya ya isiUkuya pamwi na ya simbwa aalindanga imfwele zyane.
2 Uzye maka yao yaombanga cani kuli nene?
Maka yao yasila.
3 Maka yao yasila pa mulandu ni cipowe ni inzala;Yakalya tuno yazana umu musili uumeUononeka mpiti.
4 Yakapulula mafwa ya musilya umu vimpuza;Yakalya imisisi ya miti ilule.
5 Yayazinga umu mizi;Antu yakayapundilila wa yapuupu.
6 Yakaikala umu mikonko,Mu viwina nu mu vimawe.
7 Yakaloosya ala yali mu vimpuzaNupya yakakolongana pamwi umu miti ya myunga.
8 Yayazinga umu mpanga wa yana ya yantu aatakwata mano,Nupya yataakwata mazina.
9 Lyene yakantumfya umu nyimbo zyao;Nupya yakanseka.
10 Yampata nupya yakantaluka;Yasitiina ukunswila mati pa manso.
11 Pa mulandu wakuti Leza wantonsya nupya wancefya,Yancitiile vyonsi vino yalondanga ukwaula ica kuyalesya.
12 Yakankatukila ukwi lunji wi umba lya yantu aipe;YakanzinganyaNupya yakaika ivya kuncilinganya umu nzila.
13 Yakaonona inzila zyaneNupya yakalenga intazi zyane ukwipilakoUkwaula uwa kuyalesya.*
14 Yakaiza kuli nene kwati yakwingila pa cipongo cino iyatulula umu ciumba;Yakatwalilila ukwiza na lino indi sana ni ntazi.
15 Intete izintonsya;Ucindami wane iusendwa wa muza,Nupya upaalilo wane uwa kupusuka iuluka wi kumbi.
16 Lyene nasya imfwe;Manda ya kucula kwane iyatwalilila.
17 Mafupa yane yakuwaya usiku;Nkuwaikwa cila wanda.
18 Pa mulandu na maka ya ulwale, icakuzwala cane icita ukuloleka vino calolekanga;Icintitila pa nsingo wa ntenesi zya ku cakuzwala cane.
19 Leza watansumbila umu matipa;Insyala sile ulukungu ni itwi.
20 Nkalilila kuli wewe, lelo usingasuka;Nkaimilila lelo ukandolekesya sile.
21 Watumfutuka nu kuya nu unkalwe kuli nene;Watuncisa ukuomvya ikasa lyako ilya maka.
22 Ukantola nu kusenda nu muza;Lyene ukanzingulusya umu cimuza icikalamba.
23 Pano namanya ukuti ulantwala uku mfwa,Uku ng’anda kuno aumi yonsi yalakomenkanila.
24 Lelo kusi aanguma umuntu aali nu ulandaLino akulila ukuti yamwazwe mu nsita ya mazanzo.
25 Uzye ntalililangako antu aculanga umu nsita izitale?
Uzye ntuvwilanga apiina ulanda?
26 Nanti cakuti nenekelanga ivisuma, iviipe i vizile;Nenekelanga uluswepo, lelo imfinzi iizile.
27 Nkauvwa ukuwaikwa umukasi kane;Manda ya ucuzi yanzana.
28 Nkapita uwa ulanda; kusi uluswepo.
Api umba lya yantu nkakatuka nu kulila pakuti yangazwe.
29 Inja umwina wakwe ya nkusaNupya cuza uwa yana akazyana aa mbuni.
30 Inkanda yane yatifita nu kufopoka;Mafupa yane iyapya uku cikailila.
31 Izeeze lyane likuomviwa sile uku kuloosya,Nu mutolilo wane uku ciunda ca kulila.
Mafutunoti
^ Nanti limwi, “ukwaula uwa kuyazwa.”
