Yobo 35:1-16
35 Eliu watwalilile ukulanda ati:
2 “Uzye wasininkizya ukuti wewe mulungami icakuti ungalanda uti:‘Nene mulungame ukucila Leza’?
3 Pano ukanena Leza uti: ‘Uzye cacindama uli kuli wewe ndi cakuti nkucita ivilungame?
Uzye ivintu vyanzipila pa mulandu wakuti ntayembuka?
4 NamakwasukaKumwi na auzo yano uli nayo.
5 Lingamila umwi yuluNu kulolekesya makumbi aali umupela.
6 Ndi cakuti wayembuka, uzye ukamusosya uli?
Ndi cakuti membu zyako zyavulilako, i vyani vino ukacita kuli aliwe?
7 Ndi cakuti wewe mulungami, i vyani vino ukamupeela;I vyani vino akapokelela ukufuma kuli wewe?
8 Iviipe vino ukacita vikalenga sile ivintu ukwipila antu wakwe wewe,Nu ulungami wako, ukalenga sile ivintu ukuziipila umwana wa muntu.
9 Antu yakalila ndi cakuti yakuyacuzya sana;Yakalila ukuti umwi ayapususye uku yantu aamaka aakuyacuzya.
10 Nomba kusi aakalanda ukuti, ‘Uzye Leza alikwi, Kaumba wane Mukalamba,Wino akalenga inyimbo ukwimbwa usiku?’
11 Akatusambilizya ukucila inyama zya pano nsi,Nupya akatulenga ukuya na mano ukucila ivyunyi vya mu lwelele.
12 Antu yakalilila kuli aliwe lelo asiasuka,Pa mulandu ni cilumba ca yantu aipe.
13 Mu cumi Leza asikutika uku kulila kwa sile sile,Uwa Maka Yonsi asiikako mano.
14 Fwandi atanga akutike ndi cakuti wailizyanya ukuti usimulola!
Nga watwala umulandu kuli aliwe, ulinzile ukulaloleela sile.
15 Pano asipeela umuntu umulandu ala watasoka;Nanti ukwika mano uku cilumba cako.
16 Yobo akalanda icilandelande;Akalanda mazwi aingi ukwaula ukumanya ivisinka.”
