Yobo 39:1-30
39 Uzye wamanya insita ino imbuzi zya mu myamba zikavyalilapo?
Uzye watala walolapo kuno mpombo akuvyala?
2 Uzye ukapenda imyezi ino vikamala pakuti vize vivyale?
Uzye wamanya insita ino vikavyalilapo?
3 Zikainama lino zikuvyala,Nupya ukali wa pa kuvyala ukasila.
4 Utwana twa nyama zizyo tukakoma nupya tukakulila umu mpanga;Tukapita nupya tusyaswilila kuli ya nyina.
5 A weni uwapeezile punda wa mu mpanga untungwa,Nu kusapula imyando yakwe?
6 Naleka ukuti punda wa mu mpanga aikala umu lwangaNu mu mpanga ya musilya.
7 Akataluka uku congo ca mu musumba;Asiuvwa izwi lyakwe wino akumunena ukuomba.
8 Akapitana umu myamba ala akulonda umulemvwe,Nupya ala akulonda ivimelwa vyonsi ivilembe.
9 Uzye cipambasi wa mu mpanga angaitemelwa uku kuombela?
Uzye angalala umu cikuulwa cino ukasungilamo iviteekwa?
10 Uzye unganyepa cipambasi wa mu mpanga nu mwando nu kuleka ukuti akakulimile,Nanti uzye angakukonka umukulima umu mukonko?
11 Uzye ungataila cipambasi wa mu mpanga pa mulandu wakuti wakwata sana makaNu kuleka ukuti akuombele imilimo ikome?
12 Uzye ungamutaila ukuti amakuwezezya vino wazombola,Nu kuvikolonganika pa lwano?
13 Amaapa ya mbuni yakakampaila ningo,Nomba uzye maapa ya mbuni na maapa ya nkowa i cili cimwi?
14 Imbuni ikasya mayayi umu musiliNu kuyakavya umu lukungu.
15 Ikailila ukuti ingazo zya yantu zingayatamolaNanti ukuti inyama zya mu mpanga zingayalyatola.
16 Ikacuzya ana yakwe kwati asi ana yakwe;Isisakamala na pa kucula kuno yacuzile pa kukwata ana.
17 Pano Leza wima imbuni manoNupya ataipeela ukwiluka.
18 Nomba ndi cakuti yakatuka nu kukampaila maapa,Ikaseka imfwalasi nu uwatakwelapo.
19 Uzye wewe wapeela imfwalasi amaka?
Nanti uzye wewe ukaizwika amavumbu atali umu nsingo?
20 Uzye ungalenga imfwalasi yatolooka wakwe makanta?
Imililile ya mfwalasi iya maka ikatiinya.
21 Ikapaalola umusili umu mukonko nupya ikatolooka na maka;Ikaya uku nkondo.
22 Itakwata intete nupya isitiina icili consi.
Isiwelela icisila pa mulandu nu lupanga.
23 Kacola ka nceto kakwe wino watakwela pa mfwalasi kakanyinyindila pa mfwalasi,Nupya isumo na kalisumo kanono vikaengesa.
24 Pa mulandu nu kusansamuka isitonta,Isiimilila pa mulandu ni ciunda ci penga.
25 Ndi cakuti ipenga lyalila, ikalanda iti, ‘Eya!’
Lino icili patali ikanunsya nu kumanya ukuli inkondoNupya ikauvwa ukupunda kwa yakalamba ya yasilika ni congo ca mu nkondo.
26 Uzye ale ukwiluka kwako u kukalenga ukuti kakozi kapapuka ukwaula ukukampaila maapa,Ala ikavungulwila maapa uku kaeya?
27 Nanti uzye wewe ukanena lyang’anda ukupapukila umupelaNu kupangila icinsanzo umupela,
28 Ukulaala pa ciliwe,Nu kwikala pa ciliwe apa ncende icingililwe?
29 Papa kwene apano akalondela ivyakulya;Akalolela ivintu patali.
30 Utwana twakwe lyang’anda tukamwa uwazi;Nupya ukuli vitumbi akuno lyang’anda akaya.”
