Yobo 4:1-21
4 Lyene Elifazi Umwina Temani waswike Yobo ati:
2 “Ndi cakuti umwi wezya ukulanda naawe, uzye ungakana ukuvwa?
Uzye a weni aangakana ukulanda?
3 I cacumi, walungika aingi,Nupya wakomelezyanga atonte.
4 Mazwi yako yakomelezyanga yonsi atiyatoovoka,Nupya wakomelezyanga aakulondekwa uwazwilizyo.
5 Nomba lyene icicitikila wewe, nupya watutoovoka;Icikulema nupya watuvulunganyiziwa.
6 Uzye ukutiina Leza kusikulenga uye umusipe?
Uzye ukaele wako usikukupeela upaalilo?
7 Elenganya pali cii: Uzye umuntu wa kaele watala waloviwapo?
A lilaci lino umulungami watala ononwa?
8 Cino nalola i cakuti yayo aakalima ivyalo iviipeNa aakakomela imbezu zya ntazi yakazombola ivili vimwi.
9 Mupu wakwe Leza ukayalovya,Nupya yakaononwa pa mulandu nu ukali wakwe.
10 Cisama angang’aza na cisama umunono anguvwika nga walila,Nomba na mino yakwe cisama wa maka kwene yakakontoka.
11 Cisama akafwa pa mulandu wa kukanakwata ivyakulya,Nupya utwana twakwe cisama tukasalangana.
12 Izwi lizile kuli nene umunkama,Nupya umwi wizile antotoza.
13 Mu nsita iya usiku ala nkulola ivilolwa vya kutiinya,Lino antu yakakasula sana,
14 Nuvwile sana intete,Ukufika nu mu mafupa kwene.
15 Umupasi wapisile pa manso yane;Upipi wane watenkanyile.
16 Lyene umupasi uuwo wizile iwimilila,Lelo ntamanyile vino walolekanga.
Cintu cimwi cimiliile pa nkoleelo yane;Patazile ipaya mya, lyene alino nuvwile izwi likuti:
17 Uzye umuntu umwina kufwa angaya umulungami ukucila Leza?
Uzye umuntu angaya umusanguluke ukucila Kaumba wakwe?
18 Wene atataila aomvi yakwe,Nupya akazana imilandu muli ya malaika yakwe.
19 Uzye cingapela kwi kuli yano yakaikala umu mang’anda ivu,Yano imifula ya mang’anda yao yaya umu lukungu,Yakasyunolwa zuwa kwati akazizi!
20 Yakasyunolwa ukufuma katondo ukufika manguzi;Yakalowa nupya kusi aakaikako mano.
21 Uzye yataaya wi tenti lino iyasapula intambo?
Yene yakafwa ukwaula mano.
