Yobo 40:1-24
40 Yeova watwalilile ukwasuka Yobo ati:
2 “Uzye akulondelezya imilandu angalwisyanya nu wa maka yonsi?
Lekini akulonda ukusunda Leza aasuke.”
3 Yobo waswike Yeova ati:
4 “Nene wa sile sile.
I vyani vino ningakwasuka?
Niika iminwe pa kanwa.
5 Indanda imiku ni miku, lelo ntakutala nasuke;Nanti ukulanda na vyuze.”
6 Lyene Yeova waswike Yobo ukufuma mu cimuza ati:
7 “Ipekanye wa monsi;*Namakuuzya, naawe ungasuke.
8 Uzye ukutwisika umulinganya wane?
Uzye ukumpeela imilandu pakuti wewe uye umulungame?
9 Uzye wakwata ikasa ilya maka wi kasa lyakwe Leza wa cumi,Nanti uzye izwi lyako lingapangalakansya wi zwi lyakwe?
10 Zwala ululumbi na maka;Nupya zwala umucinzi nu ucindami.
11 Langa icipyu cako;Lolekesya umuntu wensi uwaya ni cilumba nu kumucefya.
12 Lolekesya umuntu wensi uwaya ni cilumba nu kumucefya,Nupya ulyatoole antu aipe pano yaimi.
13 Yafise yonsi umu lukungu;Uyanyepelele umu ncende ifisame,
14 Lyene nani kwene ningakuzumilizyaUkuti ikasa lyako ilya kwi lunji lingakupususya.
15 Lyene elenganya pali civu* wino napanzile wakwe vino nakupanzile.
Akalya isote wakwe cipambasi.
16 Lola vino wakwata amaka umu ntunguNupya wakwata amaka umu mikole iyaya pa lunda!
17 Akakomya umusinda kwati umuti wa mukedali;Nupya imisipa ya mu mpamba ikaloleka kwati yapikulwa.
18 Mafupa yakwe yaya wa mipaipi yakwe koopa;Makasa na makulu vyaya wa cela.
19 Civu ali ciumbwa icakulisya pa viumbwa vino Leza wapanga;Suka sile uwamuumvile aangamupalamila nu lupanga.
20 Pano imyamba ikamezya ivyakuti alyeNupya akuno inyama zyonsi zya mu mpanga zikacenela.
21 Civu akalaala umwisika lya miti ikaamwa ukuti lotasi,Akaikala umu cisao ca matete aya umu matipa.
22 Akaikala umu cisao ca miti ikaamwa ukuti lotasi,Nupya imiti ya mu mukonko ikamuzinguluka.
23 Ndi cakuti uluzi luli sana nu mukuku, asitiina.
Wasipa nanti cakuti amanzi ya mu luzi lwa Yodani yafumila pali aliwe.
24 Uzye kuli angamulema lino akulola,Nanti ukumutota umu mpuno ni swelo?
