Yobo 41:1-34
-
Leza walanda pa ngwena iya kuzungusya (1-34)
41 “Uzye ungaswela ingwena* ukuomvya isweloNanti ukuilema ululimi ukuomvya umwando?
2 Uzye ungapisya umwando umu mpuno ya ngwenaNanti ukuiswela umu nzekete ukuomvya iswelo?
3 Uzye ingapaapata imiku iingi kuli wewe,Nanti ukuya iitekele lino ikulanda naawe?
4 Uzye ingapangana naawe icipangano,Pakuti yakuombela manda yonsi yano ili nu umi?
5 Uzye ungacinila pamwi nayo wakwe vino ungacinila pamwi na kunyiNanti ukuinyepa pakuti yasekesya utukazyana?
6 Uzye aaculuzi yangakauzyanya ingwena ni vintu vyuze?
Uzye yangankana ingwena?
7 Uzye ungatulula inkanda ya ngwena ukuomvya ivimaswelo ivikuluNanti ukutulula umutwe ukuomvya masumo ya kuswelela inswi?
8 Wezye ukuilemamo;Utalilila vino ilakucita nupya utalatala uswilizyepo!
9 Ndi cakuti umwi ali ni pange lya kulema ingwena ale ipange lyakwe i lya sile sile.
Nga walola sile ingwena maka yangasila.
10 Kusi aali wensi angasipa ukusonka ingwena.
Uzye lyene fwandi a weni aangalwisyanya nani?
11 A weni uwatandikiilepo ukumpeela ivili vyonsi pakuti muwezezya vino wampeezile?
Vyonsi vyaya umu nsi i vyane.
12 Ntakwikala mya ukwaula ukulanda pa makuulu yano ingwena yakwata,Na maka yano yakwata alino nu mwili usuma uno yakwata.
13 Uzye a weni aangafuwa impapa ya ngwena?
Uzye a weni angingila umu nzekete zya ngwena?
14 A weni aangaasamula kanwa ka ngwena?
Amino yano ingwena yakwata yakatiinya.
15 Ingwena yakwata amamba api tunduNupya yapampikana.
16 Amamba yapampikana sanaIcakuti pataya na pano umuza ungingilila.
17 Yalemenkana nupya yakambantanaIcakuti yatange yapaatukane.
18 Ndi cakuti yatisya, uluswepo lukamyantula,Nupya manso yano yakwata yakaengesa wa luswepo lwa kumacaca.
19 Umu kanwa ka ngwena mukafuma ukumyantula kwa nkuwa;Nupya mukapaantooka umoto.
20 Umu mpuno ya ngwena mukafuma icunsi,Kwati i lungu ilikupya.
21 Mupu wa ngwena ukalenga malasya ukutandika ukwaka,Nupya umu kanwa mukafuma icimbilimbili.
22 Yakwata amaka umu nsingo,Nupya wensi uwailola akautuka.
23 Iminyefu ya ngwena yalemenkana;Yakoma yaya kwati icela nupya isitenta.
24 Umwenzo wa ngwena wakoma kwati iwe,Kwati iwe lya kusiilapo.
25 Ndi cakuti ingwena yakatuka nanti sile aantu ya maka yakatiina;Vino ikakampula umusinda umu manzi vikatiinya antu.
26 Kusi ulupanga ulungacimvya ingwena;Nupya kusi isumo, uluceto nanti canzo cuze icingaicimvya.
27 Ikalola icela kwati a kasote,Na koopa kwati i cimuti iciole.
28 Uluceto lusilenga ingwena ukuutuka;Amawe akaomviwa uku ca kuvwintilako yakaya kwati i cipelele.
29 Ikalola umuti kwati i cipelele,Nupya isitiina ukutenkana kwi sumo.
30 Ulunda lwa ngwena lwaya kwati i vinga ivisongole;Nga yapita pa matipa pakasyala ipalembeka kwati ipapita ica kupuulilako.
31 Ikalenga manzi ukuya kwati yakupya umu mpoto;Ikalenga yemba ukuya kwati a mafuta aakupya umu mpoto.
32 Muno ikupita mukasyala mukuengesa.
Umwi angatandika ukulola ukuti manzi iyaswepa kwati imvwi.
33 Umu nsi mutaaya iciumbwa icaya wa ngwena,Kuli kuti iciumbwa icitakwata intente.
34 Ikalolekesya inyama zyonsi izya cilumba.
Ikateeka ivilyanyi vyonsi ivya maka ivya mu mpanga.”
Mafutunoti
^ Mu Ciebele: “Leviatani.” Icinyama cikalamba ca mu manzi icakwatisya amaka.
