Yobo 8:1-22
8 Lyene Bilidadi Umwina Syuwa waswike ati:
2 “Uzye umatwalilila ukulanda mu musango uu ukufika lilaci?
Amazwi yako yali wa cipunga!
3 Uzye Leza anganyonganya umulinganya,Nanti uzye Uwa Maka Yonsi anganyonganya ulungami?
4 Ndi cakuti ana yako yayembukiile Leza,Waleka ukuti yafululwe pali ucipondoka wao;
5 Lelo ndi cakuti ulenga kuli LezaNu kupaapata Uwa Maka Yonsi kuti akuvwile uluse,
6 Ndi cakuti umu cumi wali wewe umusanguluke nupya umulungami,Nga uvwa kuli weweNu kukuswilizya pa ncende ino ulinzile ukuyapo.
7 Nanti cakuti intandikilo yako yaali inono,Uku nkoleelo ivintu vyali nu kukuzipila sana.
8 Uzya amu nkulo iyafumako,Nupya uvwikisye ivintu vino ivikolwe vyao vyazanyile.
9 Cili kwati twaviilwe sile mutondo, tutamanyile icili consi,Pano manda itu pano nsi yaya wa cinzingwa.
10 Uzye yatalakunena ivya kucitaNu kukunena vino yamanya?
11 Uzye icimelwa cino yakati papailasi, cingakula ukuli umusili uume?
Uzye itete lingakula ukwaula manzi?
12 Lino vicili iviteku nupya lino vitatala vyakomwa,Vinguuma ukucila ivimelwa vyuze.
13 Vikwene i vikacitikila yonsi aakailila Leza,Pano upaalilo wa muntu umwipe ulalowa,
14 Yano utailo wao uwa sile sileNupya utailo wao watonta kwati ututambo* twakwe tandaulwe.
15 Alasintilila uku ng’anda yakwe, lelo italatwalilila ukwimilila;Alezya ukuilemelela, lelo ilononeka.
16 Waya wa cimelwa icikakontelelwa icili umu kasanya,Nupya imisambo yakwe ikasalanganila umu calo.
17 Imisila yakwe ikapomba umu mutumba wa mawe;Akalonda ing’anda umu mawe.
18 Nomba lino wipulwa ukufuma pa ncende yakwe,Incende iiyo ilamukana nu kumunena iti ‘Ntakulolapo.’
19 Vikwene avino alata ukuloleka;Lyene yauze yalafuma umu lukungu.
20 Leza atalakana aakatwalilila ukuya na ukaele;Nupya atalazwilizya antu aipe,
21 Pano nupya kwene Leza alalenga ukuti uye ni nsansaAlalenga ukuti uwasansamuka.
22 Antu aakupata yaluvwa insonyi,Na matenti ya yantu aipe yalononwa.”
Mafutunoti
^ Mu Ciebele: “Ing’anda.”
