Yoswa 12:1-24
12 Ya mwene yano Aina Izlaeli yacimvizye, nupya yano yaposile impanga uku ufumondaka wa Luzi Lwa Yodani kufuma uku mukonko wa Alinoni kufika uku Mwamba wa Helimoni nu kufika uku ufumondaka wa ncende yonsi ya Alaba aeya:
2 Umwene Sihoni uwa Ina Amoli, uwikalanga uku Hesyiboni nupya uwateekanga ukufuma uku Aloeli umusumba uwayeliile uku mpela ya mukonko wa Alinoni nu kufuma pakasi ka mukonko na afu wa musumba wa Gilyadi kufika uku mukonko wa Yaboki, kuli kuti umupaka wa Ina Amoni.
3 Nupya wateekanga ni ncende ya Alaba kufika nu ku ufumondaka wakwe Yemba wa Kineleti* alino nu kufika kuli Yemba wa Alaba, kuli kuti Yemba wa Musilya,* lwa ku ufumondaka wa Beti-yesyimoti na lwa ku kaeya ka ncende isuluke iya Pisiga.
4 Yacimvizye ni ncende ya Mwene Ogi uwa ku Basyani, wenga pali yano yasiilepo pa Ina Lefaimu nupya uwikazile umu Asyiteloti nu mu Edilei
5 nupya uwateesile umu ncende iya mwamba wa Helimoni, mu Saleka nu mu ncende yonsi iya Basyani kufika nu ku mupaka wa Ina Gesyuli na Ina Maakati na afu wa ncende iya Gilyadi kufika nu ku ncende iya Mwene Sihoni uwa ku Hesyiboni.
6 Mose umuomvi wakwe Yeova kumwi na Ina Izlaeli yayacimvizye, lyene pa cisila Mose umuomvi wakwe Yeova wapeezile impanga yao uku mutundu wakwe Lubeni, ku mutundu wakwe Gadi na kuli afu wa mutundu wakwe Manase.
7 Yoswa kumwi na Ina Izlaeli yacimvizye ya mwene aingi aku uwondaka wa Luzi Lwa Yodani, kufuma ku Baali-gadi ku mukonko wa Lebanoni kufika uku Mwamba wa Halaki uwafika nu ku Seili, pa cisila Yoswa wapeezile impanga iiyo uku mitundu ya Ina Izlaeli kuti iye iyao,
8 incende ya myamba, incende ya Syefela, incende ya Alaba, incende isuluke, incende ya mu lwanga ni ncende ya Negebu, kuli kuti impanga ya Ina Hiti, Aina Amoli, Aina Kenani, Aina Pelizi, Aina Hivi na Ina Yebusi. Ya mwene yano Yoswa na Ina Izlaeli yacimvizye aeya:
9 Umwene wa Yeliko, umwene wa Ai, umusumba uwayeliile umupiipi na Betele;
10 umwene wa ku Yelusalemu, umwene wa ku Hebuloni;
11 umwene wa ku Yalamuti, umwene wa ku Lakisyi;
12 umwene wa ku Egiloni, umwene wa ku Gezeli;
13 umwene wa ku Debili, umwene wa ku Gedeli;
14 umwene wa ku Holima, umwene wa ku Aladi;
15 umwene wa ku Libina, umwene wa ku Adulamu;
16 umwene wa ku Makeda, umwene wa ku Betele;
17 umwene wa ku Tapua, umwene wa ku Hefeli;
18 umwene wa ku Afeki, umwene wa ku Lasyaloni;
19 umwene wa ku Madoni, umwene wa ku Hazoli;
20 umwene wa ku Syimuloni-meloni, umwene wa ku Akisyafu;
21 umwene wa ku Taanaki, umwene wa ku Megido;
22 umwene wa ku Kedesyi, umwene wa ku Yokoneamu ku Kalimeli;
23 umwene wa ku Doli incende iyaya ukusuluke,umwene wa ku Goimu ku Giligali;
24 nu mwene wa ku Tiliza; ya mwene yonsi pamwi yaali 31.
