Yoswa 15:1-63
15 Mpanga ino yapeezile uku ndupwa zya mu mutundu wakwe Yuda, yafisile uku mupaka wa Edomu, ku lwanga lwa Zini, ku kaeya ka musumba wa Negebu.
2 Umupaka wa ku kaeya watandikile kuli Yemba wa Musilya,* kuli kuti uku mpela yakwe yemba.
3 Nupya waile iufika uku kaeya ka Akilabimu, iupita uku Zini, lyene iupita ukufuma uku kaeya, iuya iufika uku Kadesyi-banea, alino iupita uku Heziloni kufika nu ku Adali, nupya wapisile iuzinguluka lwa ku Kalaka.
4 Lyene wapisile uku Azimoni iuya iufika uku luzi lwa Ijipti, nupya waile iupeleela kuli Yemba.* Ukwene ali mupaka wao uwayeliile uku kaeya.
5 Nupya umupaka wa ku ufumondaka wali a Yemba wa Musilya* kufika nu ku mpela ya Luzi Lwa Yodani, lyene umupaka uwa ku katutu wali uku mpela yakwe yemba, kuli kuti uku mpela ya Luzi Lwa Yodani.
6 Umupaka waile iufika uku Beti-hogila, nupya wapisile uku katutu ka Beti-alaba alino waile iufika ukwi iwe lyakwe Boani mwana Lubeni.
7 Mupaka waile iufika uku Debili uku mukonko wa Akoli, nupya walungime uku katutu ka ncende iya Giligali, iyalozyanya ni ncende ya Adumimu iyayela uku kaeya ka luzi, alino wapisile uku luzi lwa Eni-syemesyi iuya iupeleela uku Eni-logeli.
8 Mupaka wafisile uku mukonko wakwe mwana Hinomu uku ncende isuluke iya Ina Yebusi ku kaeya, kuli kuti uku Yelusalemu, nupya wapisile papela ya mwamba uwalozyanya nu mukonko wa Hinomu uku uwondaka, kuli kuti uwayela uku mpela ya mukonko wa Lefaimu uku katutu.
9 Nupya umupaka wasizilwe ukufuma papela ya mwamba ukuyafika nu ku luzi lwa Nefutoa, nupya watwalilile ukuyafika nu ku misumba iya ku mwamba wa Efuloni, wafisile nu ku Baala, kuli kuti uku Kilyati-yealimu.
10 Mupaka wazingulwike ukufuma uku Baala lwa ku uwondaka, iuya uku mwamba wa Seili, nupya wapisile lwa mwisika lya mwamba uwa Yealimu ku katutu, kuli kuti uku Kesaloni, nupya waile uku Beti-syemesyi iuya iupita nu ku Timuna.
11 Nupya waile iufika uku ncende isuluke iya Ekiloni ku katutu, alino iuya iupita uku Syikeloni na papela ya mwamba wa Baala nu ku ncende iya Yabuneele, nupya waile iupeleela kuli yemba.
12 Mupaka uwa ku uwondaka wapisile pali Yemba Mukalamba* nu mu ncende iya mu mbali yakwe yemba. Ukwene wali ali mupaka wa ndupwa zya mu mutundu wakwe Yuda.
13 Nupya Yoswa wapeezile Kalebu mwana Yefune impanga mu mutundu wakwe Yuda wakwe vino Yeova wamunenyile, kuli kuti impanga iya Kilyati-aba, (Aba wali a isi wakwe Anaki), nupya ali mpanga iya Hebuloni.
14 Fwandi Kalebu wazinzile ana yatatu yakwe Anaki, kuli kuti Syesyai, Ahimani, na Talimai.
15 Lyene wafumile kuuku nu kuya umu kulwisya antu aikalanga umu musumba uwa Debili. (Mpiti musumba uwa Debili yawamanga ukuti Kilyati-sefeli.)
16 Lyene Kalebu walanzile ati: “Umonsi aalalwisya umusumba uwa Kilyati-sefeli nu kuupoka, ndamupeela umwanane umukazyana Akisa kuti aye umuci wakwe.”
17 Lyene Otinieli mwana Kenazi umwina wakwe Kalebu waile apoka umusumba uuwa. Fwandi Kalebu wamupeezile umwanakwe umukazyana Akisa ukuya umuci wakwe.
18 Lino Akisa wayanga uku ng’anda, wakomelizye iya ukulenga icalo kuli Kalebu. Lyene Akisa wisile pali punda. Nupya Kalebu wamuzizye ati: “I cani cino ukulonda?”
19 Nawe waswike ati: “Napaapata mumpaale, vino mwampeezile impanga iya ku kaeya, mumpeele ni mpanga iya ku Guloti-maimu.”* Fwandi wamupeezile incende ya Guloti iya kupela nu kwisika.
20 Yii ali mpanga ino yapeezile amu mutundu wakwe Yuda ukulingana ni ndupwa zyao.
21 Misumba iyapeezilwe uku mutundu wakwe Yuda iyapakiine ni mpanga iya Edomu ku kaeya aeyi: Kabizeele, Edeli, Yaguli,
22 Kina, Dimona, Adada,
23 Kedesyi, Hazoli, Itinani,
24 Zifi, Telemu, Bealoti,
25 Hazoli-hadata na Kelyoti-heziloni, kuli kuti Hazoli,
26 Amamu, Syema, Molada,
27 Hazali-gada, Hesyimoni, Beti-peleti,
28 Hazali-syuali, Belisyeba, Bizyotiya,
29 Baala, Iimu, Ezemu,
30 Elitoladi, Kesili, Holima,
31 Zikilagi, Madimana, Sansana,
32 Lebaoti, Syilihimu, Aini na Limoni, misumba yonsi pamwi yali 29 kumwi ni mizi iyalimo.
33 Imisumba iyali mu Syefela aeyi: Esyitaoli, Zola, Asyina,
34 Zanowa, Eni-ganimu, Tapua, Enamu,
35 Yalamuti, Adulamu, Soko, Azeka,
36 Syaalaimu, Aditaimu, Gedela, na Gedelotaimu,* imisumba yonsi pamwi yaali 14 kumwi ni mizi iyalimo.
37 Zenani, Hadasya, Migidala-gadi,
38 Dileani, Mizipa, Yokotele,
39 Lakisyi, Bozikati, Egiloni,
40 Kaboni, Lamamu, Kitilisyi,
41 Gedeloti, Beti-dagoni, Naama na Makeda, imisumba yonsi pamwi yali 16 kumwi ni mizi iyalimo.
42 Libina, Eteli, Asyani,
43 Ifuta, Asyina, Nezibu,
44 Keila, Akizibu na Malesya, misumba yonsi pamwi yali 9 kumwi ni mizi iyalimo.
45 Ekiloni ni misumba inono iyapalamileko ni mizi;
46 kufuma lwa ku uwondaka uwa Ekiloni ni ncende zyonsi izyaya umupiipi na Asyidodi kumwi ni mizi iyayamo.
47 Musumba uwa Asyidodi ni misumba inono ni mizi iyayamo; musumba uwa Gaza ni misumba inono ni mizi iyayamo, kufika nu ku Luzi lwa Ijipti, kuli Yemba Mukalamba,* ni ncende yonsi ya mu mbali yakwe yemba.
48 Nupya umu ncende ya myamba mwali umusumba uwa Syamili, Yatili, Soko,
49 Dana, Kilyati-sana, kuli kuti Debili,
50 Anabu, Esyitemoa, Animu,
51 Gosyeni, Holoni, na Gilo, misumba yonsi pamwi yali 11 kumwi ni mizi iyalimo.
52 Alabya, Duma, Esyani,
53 Yanimu, Beti-tapua, Afeka,
54 Humata, Kilyati-aba, kuli kuti Hebuloni, na Zioli, misumba yonsi pamwi yali 9 ni mizi iyalimo.
55 Maoni, Kalimeli, Zifi, Yuta,
56 Yezileele, Yokideamu, Zanowa,
57 Keni, Gibeya, na Timuna, misumba yonsi pamwi yali 10 ni mizi iyalimo.
58 Halaulu, Beti-zuli, Gedoli,
59 Maalati, Beti-anoti, na Eletekoni, misumba yonsi pamwi yali 6 ni mizi iyalimo.
60 Kilyati-baali, kuli kuti Kilyati-yealimu, na Laba, kuli kuti misumba iili ni mizi iyalimo.
61 Mu lwanga mwali umusumba wa Beti-alaba, Midini, Sekaka,
62 Nibisyani, Musumba wa Musilya na Eni-gedi, kuli kuti misumba yonsi pamwi yali 6 ni mizi iyalimo.
63 Lelo amu mutundu wakwe Yuda yataazinzile Aina Yebusi aikalanga umu Yelusalemu, fwandi Aina Yebusi yatwalilila ukwikala na Ayuda umu Yelusalemu kufika na ndakai.
Mafutunoti
^ Kuli kuti Yemba Mufwe.
^ Kuli kuti Yemba Mukalamba Uwa Meditileniani.
^ Kuli kuti Yemba Mufwe.
^ Kuli kuti Meditileniani.
^ Icikapiliula ukuti “Incende ukwaya manzi.”
^ Nanti limwi, “Gedala ni vitata ivyayamo.”
^ Kuli kuti Meditileniani.
