Yoswa 21:1-45
21 Lyene intunguluzi zya Ina Levi zyaile kuli Elieza simapepo, Yoswa mwana Nuni nu ku ntunguluzi zya mitundu ya Ina Izlaeli,
2 nupya zyalanzile nayo uku Syilo umu mpanga ya Kenani iziti: “Yeova walanzile ukupitila muli Mose ukuti tupeelwe imisumba ya kwikalamo kumwi ni ncende izyayamo izya kucemelamo iviteekwa vitu.”
3 Fwandi wakwe vino Yeova walanzile, Aina Izlaeli yapeezile Aina Levi misumba kumwi ni ncende izyalimo izya kucemelamo iviteekwa.
4 Cipendwilo caponiile pa ya mu ndupwa zya Ina Koati, nupya Aina Levi afumile umu lupwa lwakwe Aloni simapepo yapeezilwe imisumba 13 ukufuma umu mutundu wakwe Yuda, mu mutundu wakwe Simyoni nu mu mutundu wakwe Benjamini.
5 Nupya Aina Koati asyala, yapeezilwe imisumba 10 ukufuma umu ndupwa zya mu mutundu wakwe Efulemu, mu mutundu wakwe Dani na afu wa mutundu wakwe Manase.
6 Nupya Aina Gesyoni yapeezilwe imisumba 13 ukufuma umu ndupwa zya mu mutundu wakwe Isakali, umu mutundu wakwe Asyeli, umu mutundu wakwe Nafutali, na afu wa mutundu wakwe Manase umu Basyani.
7 Aina Melali ukulingana ni ndupwa zyao, yapeezilwe imisumba 12 ukufuma umu mutundu wakwe Lubeni, umu mutundu wakwe Gadi nu mu mutundu wakwe Zebuluni.
8 Fwandi Aina Izlaeli yapeezile Aina Levi imisumba ni ncende zya kucemelamo iviteekwa, wakwe viivi kwene vino Yeova wanenyile Mose.
9 Ukufuma umu mutundu wakwe Yuda nu mutundu wakwe Simyoni yapeezile imisumba yii,
10 nupya yaipeezile kuli ya mwana Aloni, Aina Levi, amu lupwa lwa Ina Koati, pa mulandu wakuti apano icipendwilo ca kutandikilapo caponiile.
11 Yayapeezile umusumba wa Kilyati-aba (Aba wali a isi wakwe Anaki), kuli kuti Hebuloni, umu ncende ya myamba yakwe Yuda ni ncende zya kucemelamo iviteekwa izyali umupiipi.
12 Lelo impanga iya mu musumba ni mizi iyalimo, yapeezilwe kuli Kalebu mwana Yefune.
13 Nupya ya mwana Aloni simapepo yapeezilwe umusumba umwa kuutukila umuntu uwakoma umuze, kuli kuti umusumba wa Hebuloni kumwi ni ncende zya kucemelamo iviteekwa, lyene yapeezilwe ni misumba yii: Libina kumwi ni ncende zya kucemelamo iviteekwa,
14 Yatili ni ncende izya kucemelamo iviteekwa izyalimo, Esyitemoa ni ncende izya kucemelamo iviteekwa izyalimo,
15 Holoni ni ncende izya kucemelamo iviteekwa izyalimo, Debili ni ncende izya kucemelamo iviteekwa izyalimo,
16 Aini ni ncende izya kucemelamo iviteekwa izyalimo, Yuta ni ncende izya kucemelamo iviteekwa izyalimo, Beti-syemesyi ni ncende izya kucemelamo iviteekwa izyalimo, fwandi imisumba 9 iiyafumile umu mitundu yii iili.
17 Nupya ukufuma umu mutundu wakwe Benjamini yapeezilwe imisumba yii: Gibyoni ni ncende zya kucemelamo iviteekwa izyalimo, Geba ni ncende izya kucemelamo iviteekwa izyalimo,
18 Anatoti ni ncende izya kucemelamo iviteekwa izyalimo, na Alimoni ni ncende izya kucemelamo iviteekwa izyalimo, fwandi yapeezilwe imisumba 4.
19 Imisumba yonsi ino yapeezile ya simapepo ya mwana Aloni yaali 13, ni ncende zya kucemelamo iviteekwa izyalimo.
20 Nupya indupwa izyasyala izya Ina Koati izyali umu Ina Levi zyapeezilwe imisumba ukufuma umu mutundu wakwe Efulemu, pa cisila ca kupendola.
21 Yapeezilwe umusumba uwa kuutukilamo umuntu uwakoma umuze, kuli kuti umusumba wa Syekemu ni ncende izya kucemelamo iviteekwa izyali umu ncende ya myamba yakwe Efulemu, yapeezilwe ni misumba yii: Gezeli ni ncende izya kucemelamo iviteekwa izyalimo,
22 Kibuzaimu ni ncende izya kucemelamo iviteekwa izyalimo, na Beti-holoni ni ncende izya kucemelamo iviteekwa izyalimo, fwandi yapeezilwe imisumba 4.
23 Nupya ukufuma umu mutundu wakwe Dani yapeezilwe imisumba yii: Eliteke ni ncende izya kucemelamo iviteekwa izyalimo, Gibetoni ni ncende izya kucemelamo iviteekwa izyalimo,
24 Aijaloni ni ncende izya kucemelamo iviteekwa izyalimo, Gati-limoni ni ncende izya kucemelamo iviteekwa izyalimo, fwandi yapeezilwe imisumba 4.
25 Nupya ukufuma muli afu wa mutundu wakwe Manase yapeezilwe imisumba yii: Taanaki ni ncende zya kucemelamo iviteekwa izyalimo, na Gati-limoni ni ncende zya kucemelamo iviteekwa izyalimo, fwandi yapeezilwe imisumba iili.
26 Imisumba yonsi ino amu ndupwa zya Ina Koati asyala yapeezilwe kumwi ni ncende izya kucemelamo iviteekwa izyalimo, yaali 10.
27 Nupya Aina Gesyoni amu ndupwa zya Ina Levi yapeezilwe imisumba ukufuma muli afu wa mutundu wakwe Manase, umusumba wa Golani umu Basyani ni ncende zya kucemelamo iviteekwa izyalimo kuli kuti umusumba wa kuutukilako uwakoma umuze, nupya yapeezilwe nu musumba wa Besyitela ni ncende zya kucemelamo iviteekwa izyalimo, fwandi yapeezilwe imisumba iili.
28 Kufuma umu mutundu wakwe Isakali yapeezilwe imisumba yii: Kisyioni ni ncende zya kucemelamo iviteekwa izyalimo, Dabelati ni ncende zya kucemelamo iviteekwa izyalimo,
29 Yalamuti ni ncende zya kucemelamo iviteekwa izyalimo, na Eni-ganimu ni ncende zya kucemelamo iviteekwa izyalimo, fwandi yapeezilwe imisumba 4.
30 Nupya ukufuma umu mutundu wakwe Asyeli yapeezilwe imisumba yii: Misyali ni ncende zya kucemelamo iviteekwa izyalimo, Abadoni ni ncende zya kucemelamo iviteekwa izyalimo,
31 Helekati ni ncende zya kucemelamo iviteekwa izyalimo, na Leobu ni ncende zya kucemelamo iviteekwa izyalimo, fwandi yapeezilwe imisumba 4.
32 Ukufuma umu mutundu wakwe Nafutali yapeezilwe umusumba wa kuutukilamo uwakoma umuze, kuli kuti Kedesyi uwa mu Galili kumwi ni ncende zya kucemelamo iviteekwa izyalimo, lyene yapeezilwe na Hamoti-doli kumwi ni ncende izya kucemelamo iviteekwa izyalimo, na Kalitani kumwi ni ncende izya kucemelamo iviteekwa izyalimo, fwandi yapeezilwe imisumba itatu.
33 Imisumba yonsi iya Ina Gesyoni ukulingana ni ndupwa zyao, yaali 13 kumwi ni ncende izya kucemelamo iviteekwa izyalimo.
34 Nupya amu ndupwa zya Ina Melali, kuli kuti Aina Levi asyala, yapeezilwe imisumba ukufuma umu mutundu wakwe Zebuluni, misumba ino yapeezilwe aeyi: Yokoneamu ni ncende izya kucemelamo iviteekwa izyalimo, Kalita ni ncende izya kucemelamo iviteekwa izyalimo,
35 Dimuna ni ncende izya kucemelamo iviteekwa izyalimo, na Nahalali ni ncende izya kucemelamo iviteekwa izyalimo, fwandi imisumba ino yapeezilwe yaali 4.
36 Nupya ukufuma umu mutundu wakwe Lubeni, yapeezilwe imisumba yii: Bezeli ni ncende izya kucemelamo iviteekwa izyalimo, Yahazi ni ncende izya kucemelamo iviteekwa izyalimo,
37 Kedemoti ni ncende izya kucemelamo iviteekwa izyalimo, na Mefaati ni ncende izya kucemelamo iviteekwa izyalimo, fwandi yapeezilwe imisumba 4.
38 Nupya ukufuma umu mutundu wakwe Gadi yapeezilwe umusumba umwa kuutukila uwakoma umuze, kuli kuti Lamoti umu Gilyadi ni ncende izya kucemelamo iviteekwa izyalimo, lyene yapeezilwe na Mahanaimu ni ncende izya kucemelamo iviteekwa izyalimo,
39 Hesyiboni ni ncende izya kucemelamo iviteekwa izyalimo, na Yazeli ni ncende izya kucemelamo iviteekwa izyalimo, fwandi imisumba ino yapeeezilwe yaali 4.
40 Misumba yonsi ino yapeezile Aina Melali ukulingana ni ndupwa zyao, kuli kuti Aina Levi asyala, yaali 12.
41 Misumba yonsi ino Aina Levi yapeezilwe umu ncende ya Ina Izlaeli yaali 48 kumwi ni ncende zya kucemelamo iviteekwa izyalimo.
42 Cila musumba wazingulwikwe ni ncende ya kucemelamo iviteekwa.
43 Fwandi Yeova wapeezile Aina Izlaeli impanga yonsi ino walafile ukuti alapeela ivikolwe vyao, nupya yaiposile nu kutandika ukwikalamo.
44 Yeova walesile ukuti yapuuze wakwe viivi kwene vino walafile uku vikolwe vyao, nupya kutaali umulwani wao ali wensi uwali na maka ya kuyalwisya. Yeova wapeezile alwani yao yonsi umu minwe yao.
45 Kutaali ulayo uli onsi uno Yeova walavile Aina Izlaeli utafikiliziwe; vyonsi kwene vyafikiliziwe.
