LWIMBO 146
Ivintu Vyonsi Vilaya Ivipya
-
1. Vintu ivikucitika manda yaa,
Vikulangu kuti Yesu ’Mwene.
Umwi yulu wacimvizye Ciwa,
Likwene wasyazifye pano nsi.
(MAZWI YA KUSWILIZYAPO)
Zangini! Pano Kaumba
Ali pamwi na’ntu yakwe.
Lyene kutalayu kuwaika,
Nu ’landa nu kufwa kutalaya.
Vintu vyonsi vilaya ivipya.
Amazwi yaa acumi.
-
2. Si lolini Yelusalemu mupya,
A nawinga wa mwana wa mfwele.
Azwite ni vizwalo viyembe,
Yeova ali luswepo lwakwe.
(MAZWI YA KUSWILIZYAPO)
Zangini! Pano Kaumba
Ali pamwi na’ntu yakwe.
Lyene kutalayu kuwaika,
Nu ’landa nu kufwa kutalaya.
Vintu vyonsi vilaya ivipya.
Amazwi yaa acumi.
-
3. Musumba uu antu yalautemwa.
Lyonsi mpongolo zilaayulika.
Antu yonsi yalaingilamo;
Avino tukanenako yonsi.
(MAZWI YA KUSWILIZYAPO)
Zangini! Pano Kaumba
Ali pamwi na’ntu yakwe.
Lyene kutalayu kuwaika,
Nu ’landa nu kufwa kutalaya.
Vintu vyonsi vilaya ivipya.
Amazwi yaa acumi.
(Lolini na Mate. 16:3; Umbw. 12:7-9; 21:23-25.)
