LWIMBO 36
Twasunga Sana Umwenzo Witu
(Mapinda 4:23)
-
1. Twasunga umwenzo witu;
Tutaciti vipe.
Leza ’kalolu mu mwenzo
Vinu muntu waya.
Nsita zimwi mwenzo witu
Ungatupumbula.
Fwandi twautungulula;
Twauvwila Leza.
-
2. Pakuti tumanye Leza,
Twateyanyu mwenzo.
Ipepo kuli Yeova
Lilatwazwa lyonsi.
Nga Yeova watusunda,
Twalukumuvwila.
Katwaya acumi lyonsi,
Twalukumuzanzya.
-
3. Pa kusungu mwenzo witu
Tusenke ku viipe.
Izwi Lyakwe Leza witu
Likatwazwa cuze.
Yeova watemwa antu
Aya ni cisinka.
Tumamupepanga lyonsi;
Pano twamutemwa
(Lolini na Masa. 34:1; Filipi 4:8; 1 Pet. 3:4.)
