CINO CACINDAMILA: Antu yalinzile ukumanya masunde yakwe Yeova alino nu kuyalondela pakuti yaapepa Leza umu nzila ino akalonda. (Eza. 2:3, 4) Ibuku lyakuti “Kutemwa Kwakwe Leza”, ali lupapulo lwakwe ciili ulungavwa yano tukasambilizya Baibo ukumanya vino yangalondela visinte vya masunde yakwe Leza. (Ayeb. 5:14) Lino tukusambilizya, tulinzile ukwezya ukwavwa sana asambi ukuvwikisya pakuti yasenuke umu miyele nu mu vicitwa.—Loma 6:17

IVYA KUCITA:

• Mwapekanya ningo, nupya mwamanya ivyeo ivikulondekwa uku musambi. Mwauzya mauzyo asuma angamwavwa ukumanya vino musambi akwelenganya alino na vino akuvwa pa vyeo vino akusambilila.—Mapi. 20:5; be-CW 259

• Mwaomvya utumbokosi tonsi utwaya umwi buku lilyo pakuti mwavwe umusambi ukumanya vino cacindama ukulondela ivisinte vya masunde ivya muli Baibo

• Mwa-avwa umusambi ukumanya vino angaomvya kampingu, nomba mutafwile ukumupingwila ivya kucita.—Gala. 6:5

• Mwailuka umu mucenjelo ndi cakuti umusambi akulondekwa ukwavwiwa pakuti aalondela ivisinte vya masunde ivyaya muli Baibo. Mungamukomelezya umu cikuku pakuti asenuke umwineco pa mulandu wakuti watemwa Yeova.—Mapi. 27:11; Yoa. 14:31