MULANDU UNO CACINDAMILA: Apakwe na aaya umwi umba lya mfwele nazyuze yakwama antu yonsi kuti ‘yamwe amanzi yano yakapeela umi, uwila sile.’ (Umbw. 22:17) Manzi yaa aunkolanya yakaimililako mapekanyo yakwe Yeova aakupususizyamo antunze aaya ni cuvwila ukufuma uku luyembu ni mfwa. Pakuti twazwe antu aaya ni ntambi alino ni vizumilo ivipusanepusane, tulinzile ukuyasimikila “landwe lisuma lya manda pe” umu nzila ingalenga yalondesye ukukutika.—Umbw. 14:6.

IVYA KUCITA:

• Mwasoolola ilyasi ni lembelo ivingazwa antu aya umu cifulo cino mukasimikilamo. Mungasoolola ivyeo vya kuomvya pa kulanzyanya vino yatulangilila nanti ukuomvya ivyeo vino mwaomvizyepo ivya mwazwile. A malyasi ci na malembelo yano antu yatemwa ukuvwa? Uzye kuli ilyasi ilyacitike likwene lino antu yakulandapo sana? I vyani vino umonsi nanti umwanaci angatemwa ukuvwa?

• Lino mukulamukana mwaomvya amazwi yano yakaomvya alino nu kucitako vimwi ivyaseeka kuno mukaikala.—2 Kol. 6: 3, 4

• Mulinzile ukumanya impapulo na mavidyo aya pa Viombelo Vino Tukaomvya pa Kusambilizya pa kulanzyanya na antu aakulondesya ukuvwa.

• Mwacita daunilodi impapulo na mavidyo umu lulimi luno antu aya umu cifulo cino mukasimikilamo yakalanda.

• Mwasenula ilyasi ukulingana na vino mwazana antu yali. (1 Kol. 9:19-23) Tuti limwi mwazana umwi uwafwililwe umutemwikwa, ivyeo ci vino mungalanzyanya nawe?

TAMBISYINI VIDYO ALINO MWASUKE AMAUZYO ALONDELILEPO:

• I lyasi ci lino kasimikila ali watandika ukulanzyanya na wino akusimikilako?

• I vyani ivyali vikucitikila wino yakusimikilako?

• I lembelo ci lino kasimikila ali wasoolola ukuomvya, nupya umulandu ci?

• Uzye mukasenula uli imilanzyanyizizye inu pakuti mwazwe antu aaya umu cifulo cino mukasimikilamo?