Kufuma umu 2018, cila lupungu lwa mulinzi lwa ku yantu yonsi lukakwata ilyasi lyonga. Ya magazini yaa yonsi yaya pa Viombelo Vino Tukaomvya pa Kusambilizya. Fwandi tungayaomvya mu mulimo wa kusimikila. Tungasendako ya magazini yamwi lino twaya uku maliketi nanti mu kutandala. Ya magazini yatapangwa ukuti twayaomvya pa kusambilizya antu Baibo, lelo yangalenga umuntu ukulalonda ukusambilila ivingi pali Leza.

Nga mwatandika sile ukulanzyanya, mwabelenga ilembelo nupya mwalanda api lyasi ilili muli magazini lino umuntu wiyo angatemwa. Wakwe, ndi cakuti akasakamala ulupwa, nanti waya sana na masakamika nanti ulanda, mungamunena muti: “Nacibelenzile icipande cimwi icikulanda pa vikoline ni vikumucitikila. Uzye ningamulangako?” Nanti sile apa muku wa kutandikilako, nga mwalola ukuti akulondesya ukuvwa, mungamupeela magazini kwene wiyo nanti ukumutumila pa foni, pa tabuleti nanti pa kompyuta. Nanti icakuti uyo witu asi kulapeela sile antu impapulo, ya magazini yangatwazwa ukuzana antu akulondesya kusambilila.—Mili. 13:48.