Kuzengela ya weni? Yonsi aakazanwa umu kulongana—kutandikila uku enyi kwikako na ya cuza yonsi atandika mpiti ukulongana naswe. (Loma 15:7; Ayeb. 13:2) Yamwi yangaya akuti yafuma uku mpanga yuze nanti sile ayaya atonte akazanwako sile limwi limwi ndi papita insita. Mwaelenganya vino mungayuvwa ndi cakuti mwemwe icamusango uu cacitikiile. Uzye mutanga mutemwe ndi cakuti antu yamulamuka ni nsansa? (Mate. 7:12) Uzye fwandi citange cizipe ukuti mwaitandikila ukulamuka antu lino kulongana kutali kutandike alino na pacisila ca kulongana? Kucita vii kukalenga mu cilongano muye umutende ni nsansa nupya Yeova angaacindikwa. (Mate. 5:16) Kwene limwi tutanga tukwanisye ukulanda na ali wensi ataiza umu kulongana. Nomba, ndi cakuti tukuzengelana, swensi tulaaya ni nsansa. *

Tulinzile ukulapokelela antu insita zyonsi asi sile lino kwaya ukulongana ukuiyele wa Ciusyo. Ndi cakuti aenyi yalola vino twayapokelela, yangatandika ukulumbanya Yeova alino nu kutwalilila ukulalongana naswe lyonsi.—Yoa. 13:35.