VINO SWE INA KLISTU TWAAYA
Mwaomvya Ningo Viombelo Vino Tukaomvya pa Kusambizya Antu Baibo
Kupanga asambi kwaya kwati u kukula ing’anda. Pa kukuula ningo, tulinzile kumanya ivyakuomvya ningo viombelo. Tulinzile ukwika sana mano ku kumanya ivyakuomvya ningo Baibo, ciombelo cikalamba. (2 Tim. 2:15) Tulinzile nu kulaomvya impapulo nazyuze alino na mavidyo aaya pa viombelo vino tukaomvya pa kusambilizya, kucita vii kungatwazwa kupanga asambi. *
Mungacita uli pakuti mumanye ningo ivyakuomvvya viombelo vino tukaomvya pa kusambilizya? (1) Munguzyako mwangalizi wi umba kuno mukazanwa, (2) mungaaombako na ya kasimikila aelezya nanti ya painiya, na (3) mwalukwezya vino mwasambilila. Nga mwaelezya kuomvya impapulo zii na mavidyo, mulaaya nu luzango mu mulimo wa kukuula uwa unkolanya uukucitika ndakai.
YA MAGAZINI
TUMABUKU
MABUUKU
TUPEPALA TWI LANDWE
MAVIDYO
TUPEPALA TWA KWAMILAPO ANTU
TUMAKADI TWAKWE JW.ORG
^ par. 3 Impapulo zinono sile i zitaaya pa viombelo vino tukaomvya pa kusambilizya antu zyalembwa kulingana na antu yano tukazana mu mulimo. Tungaziomvya ndi calondekwa.
