Ukutandika umwaka uu, tulakwata insita ikulu iyakuipekanyizizya uku Ciusyo ca mfwa yakwe Yesu. Ndi cakuti Iciusyo cili umukasi ka mulungu, ukulongana kwakuti Swe Ina Klistu nu Mulimo Witu kutaalayako umulungu uwo. Ndi cakuti Iciusyo cili pa mpela ya mulungu, kutaalaya ilyasi lya yantu yonsi nu kusambilila Ulupungu. Uzye mungaomvya ningo insita iyo iyatilundwako? Wakwe vino cayanga umu nsita ya Ina Klistu akutandikilako, kulaya vimwi ivya kucita ivilatantikwa pa cintu cii iciiyele. (Luka 22:7-13; km 3/15 ifwa 1) Nomba swensi tulinzile ukuipekanya ningo sana. Tungacita uli vivyo?

• Mwaiusya vino cacindama ukuzanwa uku Ciusyo.—1 Kol. 11:23-26.

• Mwapepa nu kwelenganya pali ucuza winu na Yeova.—1 Kol. 11:27-29; 2 Kol. 13:5.

• Mwawelenga nu kwelenganya sana pa Malembelo aakalanda pali vino Iciusyo cikapiliula.—Yoa. 3:16; 15:13.

Ya kasimikila yamwi yakawelenga nu kwelenganya pa Malembelo ya Ciusyo aakaya mu kabuku kakuti Twasambilila Malembelo Cila Wanda. Yauze yakawelenga Amalembelo aaya muli caati wino ali apisika. Yauze nayo yakapituluka mu vipande ivikalanda pa Ciusyo na pa kutemwa kuno Yeova na Yesu yatulanga ivikaaya umu Lupungu. Icili consi cino mungasoololapo ukucita, lekini camwazwa ukupalama kuli Yeova nu mwanakwe.