VINO SWE INA KLISTU TWAAYA
“Sumbini ya Leza ya Ina Masi”
Yakobo wamanyile ukuti Yeova akalonda ukupepwa sile wenga nanti icakuti pa nsita iyaa ala atatala wikako isunde ilyakulesya ukupepa utuluwi. (Kufu. 20:3-5) Fwandi lino Yeova wamunenyile ukuswilila uku Betele, Yakobo wanenyile antu yonsi yano wali nayo ukusumba ya leza yaufi. Nupya wasumvile utuluwi ukwikako sile na maelena vino yazwalanga wa ncilizi. (Utan. 35:1-4) Ukwaula nu kutwisika, Yeova watemilwe sana pali vino Yakobo wasoolwilepo ukucita.
Uzye ndakai, tungacita uli pakuti twapepa sile Yeova? Icintu icicindamisye cino tulinzile ukucita, u kusenka kuli vyonsi umwaya ukuvwana ni mipasi. Mu kucita vii, mwaya nu kusumba vyonsi ivya mipasi nu kusoolola ivyakutuzanzya ivisuma. Cingazipa muyuzye mweineco muti: Uzye natemwa ukuwelenga amabuku nanti ukutamba mafyumu umwaya iviwa, nanti ivintu ivyakutiinya? Uzye umu vyakuizanzya vino natemwa mwaya ivya maleele, kulumbolezya nanti ukutipwila ivikaloleka kwati vyaya sile ningo? Tulinzile ukutaluka kuli vyonsi vino Yeova wapata.—Masa. 97:10.
TAMBINI VIDYO YAKUTI: “MWAKAANYA CIWA,” LYENE MWASUKE AMAUZYO ALONDELELAPO:
-
I ntazi ci ino musambi wakwe Baibo uwizina lyakuti Palesa wizile akwata?
-
U mulandu ci uno cacindamila ukulenga uwazwilizyo kuli ya eluda ndi cakuti twakwata intazi ikumile ivya mipasi?
-
Mwakaanya Ciwa, nu kupalama kuli Leza.— Yako. 4:7, 8
I vintu ci vino aakalonda ukucingililwa na Yeova yalinzile ukutalukililako sile?
-
I cani cino Palesa wapingwilepo ukucita zuwazuwa?
-
Ukulingana na kuno mukaikala, i nzila ci zimwi zino mungakaanilamo ivya mipasi?
