VINO SWE INA KLISTU TWAAYA
Kuomba Ningo Umulimo wa Kusimikila—Ukuta Ukusambilila Baibo nu Muntu Aasikulunduluka
UMULANDU UNO CACINDAMILA: Antu yalinzile ukwama api zina lyakwe Yeova pakuti yakatuulwe. (Loma 10:13, 14) Nomba asi yonsi aakazumila ukusambilila Baibo akalonda ukwikala ukulingana nu kulonda kwakwe Yeova. Tukaomvya ningo insita itu umu mulimo wa kusimikila lino tukwazwa yayo yonsi akalonda ukusenuka pakuti yazanzya Yeova. Ndi cakuti umusambi asikulonda ukulunduluka nanti icakuti ipapita insita itali ukufuma pano mwatandikile ukusambilila, cingazipa ukuta ukusambilila nu muntu wiyo nu kwika amano uku kwazwa antu yano Yeova akupalamika kuli aliwe nu kwi uvi lyakwe. (Yoa. 6:44) Ndi cakuti uku nkoleelo umuntu wiyo wasenuka muli vimwi nu kulanga ukuti ‘akulondesya ukuya nu umi wa pe,’ tulinzile ukutandika ukusambilila nawe nupya.—Mili. 13:48.
IVYAKUCITA:
-
Taizyini umusambi pali vino akalonda ukumanya icumi.—1 Tim. 2:4
-
Landini sana pa mulandu uno cacindamila ukuomvya vino akusambilila.—Luka 6:46-49
-
Nupya lanzyanyini ningo ningo icilangililo cakwe Yesu cakwe katanda, nupya mumunene aelenganye pali cino cikumulesya ukulunduluka.—Mate. 13:18-23
-
Mulondolole mu mucenjelo umulandu uno mukuteela ukusambilila
-
Lekini amanye ukuti mulaamutandalila pakuti mumukomelezye nu kuti mulatandika ukusambilila nupya ndi cakuti watandika ukulunduluka
TAMBINI VIDYO, ALINO MWASUKE AMAUZYO AALONDELELAPO:
-
Umu kulanzyanya kuu i vyani vikulangilila ukuti umusambi asikulunduluka?
-
Uzye kasimikila ali wazwilizya uli umusambi ukuvwikisya ukuti alinzile ukusenuka?
-
Uzye kasimikila uwacita uli pakuti alange ukuti wataipeelesya ukutandika ukusambilila nupya uku nkoleelo ndi cakuti musambi waipekanya?