Mulimo uno aina izlaeli yaomvile uwa kukuula ing’anda yakwe Leza, walondekanga ukuombesya alino nu kupeela umusangulo uwingi. Lelo, aina izlaeli yaali aacincile pakuti yaavwilizye umulimo uwa kukuule. (1 Mila. 29:2-9; 2 Mila. 6:7, 8) Lino aina Izlaeli yaamazile ukukuula ing’anda yakwe Leza, icali nu kulangilila ukuti yaali acincile muli ukapepa nanti foo, u kuombako umulimo wakuziifya ing’anda yakwe Leza. (2 Yamw. 22:3-6; 2 Mila. 28:24; 29:3) Na ndakai kwene, Aina Klistu yakaomvya insita yao na maka uku kuomba umulimo wa kukuula alino nu kuziifya Mang’anda ya Wene ni Vikuulwa Umwa kulonganila Ukongano Ukalamba. Lelo, ukuombela capamwi na Yeova umu musango uu i syuko wakwe cimwi nupya u mulimo ucindame cuze.—Masa. 127:1; Umbw. 7:15.

• Tukuziifya lyonsi pa cisila ca kulongana. Ndi cakuti mutanga mukwanisye lyonsi pa mulandu nu umi winu, mungaasya mwafumya ivikona vino mukulola pano mutenzi.

• Lyonsi tukuziifya pa Ng’anda ya Wene. Ndi cakuti swensi tukuombela capamwi tungaya nu luzango wakwe cimwi.—lv 92-93 pala. 18.

• Tukusangwilako umusangulo uwa kwavwilizya umulimo. Nanti sile “utumakowili twiili” tuno twaapeela nu mwenzo witu onsi, nato kwene tukazanzya Yeova.—Mako 12:41-44.

• Mwaitemelwa ukuombako umulimo wa kukuula nu kuziifya ivikuulwa vyakwe Leza ndi cakuti mungakwanisya. Cisipiliula ukuti ukumanya sile umulimo wa makuule u kungalenga namwe mwaombako.