Ndi cakuti mwemwe Aina Klistu acance atabatiziwa nanti mukusambilila Baibo, uzye mwakwata uyo wa kubatiziwa? U mulandu ci uno mulinzile ukulalondela ukubatiziwa? Kuipeela nu kubatiziwa kulalenga muye na ucuza uiyele na Yeova. (Masa. 91:1) Kubatiziwa kungalenga mukapusuke. (1 Pet. 3:21) I cani icingamwazwa ukucita ivintu vii vino twalandapo?

Mulinzile ukusininkizya ukuti cii ali cumi. Ndi cakuti mwakwata mauzyo pali vimwi, mwalondelezya. (Loma 12:2) Ndi cakuti mwalola ukuti muli mumwi muno mulinzile ukusenuka, mwasenuka nupya mwacita vivyo pa mulandu wakuti mukulonda ukuzanzya Yeova. (Mapi. 27:11; Efes. 4:23, 24) Lyonsi mwapepa ukuti Yeova amwazwa. Mutatwisika ukuti Yeova akulamukomya nu kumutungilila ukuomvya umupasi wakwe uwa muzilo. (1 Pet. 5:10, 11) Ukuombesya kwinu kwacindama sana. Kuombela Yeova ali cintu cisuma cino tungacita umu umi!—Masa. 16:11.

TAMBINI VIDYO YAKUTI: VINO MUNGACITA PAKUTI MUBATIZIWE, ALINO MWASUKE MAUZYO ALONDELELAPO:

• I ntazi ci zino yamwi yacimvya pakuti yabatiziwe?

• Mungacita uli pakuti muye nu utailo ukalondekwa pakuti muipeele kuli Yeova?

• I vyani ivyazwa yamwi ukucita ivikalondekwa pakuti muntu abatiziwe?

• A mapaalo ci yano yayo akasoololapo ukuombela Yeova yakakwata?

• Uzye ukuipeela nu kubatiziwa kukapiliula cani?