Samueli watwalilile ukuya uwa cumi kuli Yeova umu umi wakwe onsi. Lino wali umwance wakanyile ukulacitako iviipe vino ana yakwe Eli, kuli kuti Hofini na Fineasi yacitanga. (1 Sam. 2:22-26) Lino Samueli wakulanga, Yeova watwalilile ukuya nawe. (1 Sam. 3:19) Na lino wakuzile watwalilile ukucita vino Yeova akalonda nanti cakuti ana yakwe yene yatacitanga vivyo.—1 Sam. 8:1-5.

I vyani vino tungasambilila kuli vino vyacitikile Samueli? Ndi cakuti mwemwe yacance mwaiusya ukuti Yeova akamanya ivikumucitikila na vino mukuyuvwa. Angamwazwa ukuya asipe. (Eza. 41:10, 13) Ndi cakuti mwemwe yavyazi aakwata umwana uwata ukuombela Yeova, mungateekeziwa ukumanya ukuti Samueli ataapatikizye ana yakwe aikolo ukuti yatwalilile ukuya acumi kuli Yeova. Lelo walesile ukuti Yeova aliwe ayazwe, nupya watwalilile ukuya uwakaele nu kwezya na maka ukuzanzya Isi wakwe uwa kwi yulu, Yeova. Limwi imiyele inu isuma ingazwa umwaninu ukuwela kuli Yeova.

TAMBINI VIDYO IYAKUTI MWASAMBILILA KULI VINO VYAYACITIKILE—SAMUELI, ALINO MWASUKE MAUZYO ALONDELELAPO:

• Uzye lino Samueli wali umwance walangilile uli ukuti wali umusipe?

• Uzye Danny walangilile uli ukuti wali umusipe?

• I vyani vino tungasambilila kuli vino Samueli wacisile lino wakosile?

• I vyani vino tungasambilila uku yavyazi yakwe Danny?