Uzye lyonsi Yeova akamanya ivingatuzipila? Sana sile. Nga twamanya vivyo, tukalanga ukuti twakwata mano nga tukulondela utunguluzi wakwe. (Mapi. 16:3, 9) Lelo, cingatutalila ukulondela utunguluzi wakwe ndi cakuti iupusana na vino tukwelenganya. Tungataila sana ukuti Yeova wakwata mano ndi cakuti tukwelenganya pali vino waumba.—Mapi. 30:24, 25; Loma 1:20.

TAMBINI VIDYO IYAKUTI UZYE KWAYA UWACIPANZILE? I CANI ICIKAAZWA TUNYELELE UKULAPITA UKWAULA ICIMVULUNGANYA? ALINO MWASUKE MAUZYO ALONDELELAPO:

• I vyani vino utunyelele tukacita cila wanda?

• I cani icikalenga utunyelele twapita ukwaula icimvulunganya?

• I vyani vino antu yangasambilila kuli vino utunyelele tukacita pa kufuma uku ncende imwi ukuya uku ncende yuze?

TAMBINI VIDYO IYAKUTI UZYE KWAYA UWACIPANZILE? ICIKAAZWILIZYA INZIMU ZINO YAKAAMA UKUTI BUMBLEBEE UKUPAPUKA NINGO, ALINO MWASUKE MAUZYO ALONDELELAPO:

• I ntazi ci zino antu yakakwata lino yakupisya indeke izinono?

• I cani icikaazwa inzimu zino yakati bumblebee ukulapapuka ningo na lino kuli sana umuza?

• I vyani vino antu yangasambilila uku mano yano inzimu zino yakati bumblebee zyakwata?

I viumbwa ci vino mwalola ivyaya kuno mukaikala ivikalanga ukuti Yeova wakwata mano?