Yeova akamulola ukuti mwacindama. (Eza. 43:4) Wamupalamika kuli aliwe nu kwi iuvi lyakwe. Pa mulandu wakuti mwaipeela nupya mwabatiziwa, mwemwe yakwe Yeova. Alaamusakamala wa civiya cakwe icicindame na lino mwakwata intazi kwene. Alaamulanga ukutemwa kwa cumi ukupitila umwi iuvi lyakwe.—Masa. 25:10.

Nga twelenganya pali vino iuvi lyakwe Yeova likwazwa aina na ya nkazi aakuponelwa na mazanzo ya kuiponela, cingalenga twataizya sana Yeova pa kuya nu kutemwa kwa cumi kuli sweswe.

TAMBINI VIDYO IYAKUTI LIPOTI IYA MU 2019 YAKWE KOMITI IIKALOLEKESYA PALI VINO VIKUMILE YA NTE YAKWE YEOVA, ALINO MWASUKE MAUZYO ALONDELELAPO:

• Uzye Komiti Iikalolekesya Pali Vino Vikumile ya Nte Yakwe Yeova yazwilizya uli aa mu misambo umu nsi yonsi ukuya aipekanye ukwazwilizya aina na ya nkazi aakaponelwa mazanzo?

• Uzye iuvi lyakwe Yeova lyatungulwile uli aina na ya nkazi ku Indonesia nu ku Nigeria lino yaponilwe na mazanzo ya kuiponela alino nu kuyazwilizya?

• I vyani vino mwaatemwa pali vino iuvi lyacita lino kuli ulwale uu wakwe COVID-19?