Umu manda yaa aakusyalikizya, tukakwata intazi izitale sana. Insita zimwi, tungayuvwa ukuti intazi zino itukwata zyakulisya tutanga tuzizimizye. Lelo nga twatwalilila ukupalama kuli Yeova, alatwazwa ukuzizimizya ni ntazi izipisye sana. (Eza. 43:2, 4) Uzye tungapalama uli kuli Yeova lino tuli ni ntazi?

Ipepo. Ndi cakuti twanena Yeova ivili uku mwenzo, akatupeela umutende na maka aakuzizimizya.—Filipi 4:6, 7; 1 Tesa. 5:17.

Kulongana. Ndakai, ali lino tukulondekwa sana ivyakutwazwa muli ukapepa vino Yeova akaatupeela alino nu kuya ca pamwi na ina na ya nkazi lino tuli pa kulongana ukucila na vino cali mpiti. (Aeb. 10:24, 25) Ndi cakuti twapekanya, kuzanwako, alino nu kwasukapo lino tuli pa kulongana, ala tukuomvya ivintu vino Yeova akatupeela ukuomvya umupasi wa muzilo.—Kuso. 2:29.

Mulimo uwa kusimikila. Cilatwangukila ukulaika mano uku visuma ndi cakuti tukwezya apapezile amaka itu ukutwalilila ukuya aacincile umu mulimo uwa kusimikila. Nupya ucuza witu na ya kapepa yanji ulaya ukome kumwi sile na ucuza witu na Yeova.—1 Kol. 3:5-10.

TAMBINI VIDYO IYAKUTI YEOVA ALAMWAZWA, ALINO MWASUKE MAUZYO ALONDELELAPO:

• I vyani ivyazwilizye nkazi Malu ukutwalilila ukupalama kuli Yeova lino wakweti intazi?

  Your answer

• Wakwe vino cali kuli nkazi Malu, uzye amazwi aaya pa Masamu 34:18 yangatuteekezya uli lino tuli ni ntazi?

  Your answer

• Uzye ivyacitikiile nkazi Malu vikalangilila uli ukuti Yeova akatupeela “amaka acila maka ya yantu” lino twakwata intazi?—2 Kol. 4:7.

  Your answer