Izwi Lyakwe Leza lingasenula umi witu. (Aeb. 4:12) Lelo pakuti twaipakizya utunguluzi nu kusunda ukwayamo, tulinzile ukusininkizya ukuti mu cumi Baibo “izwi lyakwe Leza.” (1 Tesa. 2:13) Uzye tungakomya uli utailo witu muli Baibo?

Cila wanda mwabelenga iciputulwa cimwi ica muli Baibo. Lino mukubelenga mwalola ivingalenga musininkizye ukuti Yeova aliwe uwalemvile Baibo. Wakwe, belengini ukupanda mano ukwaya umwi buku lya Mapinda nupya mulole vino amano ayamo yangatwazwa ndakai.—Mapi. 13:20; 14:30.

Tandikini ukuisambilizya Baibo. Mwamanya ningo ivikalangilila ukuti Baibo yafuma kuli Leza. Mungaya umwi Ibuku Ilya Kwazwa Inte Zyakwe Yeova Ukulondelezya Ivyeo, lyene pa mutwe ukuti “Baibo” alino muye apakuti “Yafuma Kuli Leza.” Nupya mungakomya utailo winu wakuti ivyeo vya muli Baibo vitaasenuka ndi cakuti mukubelenga nu kwelenganyapo sana apa vyeo ivya umu Lupungu Lwa Mulinzi Ulwa Yantu Yonsi Na. 4 2016.

TAMBINI VIDYO IYAKUTI UMULANDU UNO TWATAILA UKUTI . . . IZWI LYAKWE I LYA CUMI, ALINO MWASUKE AMAUZYO ALONDELELLAPO:

• Uzye vino yazanyiile uku ciumba ica kwi tempele ku Karnak umu Ejipti, vikalangilila uli ukuti Izwi Lyakwe Leza i lya cumi?

  Your answer

• Uzye twamanya uli ukuti ivyeo ivyaya muli Baibo vitaasenuka?

  Your answer

• Uzye vino Baibo yatwalilila ukuyako na ndakai kwene, vyalenga musininkizye uli ukuti Baibo Izwi Lyakwe Leza?—Belengini Ezaya 40:8.

  Your answer