Januwale 15-21
YOBO 36-37
Lwimbo Na. 147 ni Pepo | Amazwi Aakuyulila Ukulongana (1 min.)
IVYUMA IVYAYA UMWI IZWI LYAKWE LEZA
1. Mulandu Uno Mungatailila Vino Leza Watulaya Ukuti Tulikala Manda Pe
(10 min.)
Yeova umwineco wayako manda pe (Yobo 36:26; w15 10/1 ifwa 13 mapa. 1-2)
Yeova wakwata mano na maka akutupeela vino tukalondekwa mu umi (Yobo 36:27, 28; w20.05 ifwa 22 pala. 6)
Yeova akatusambilizya vino tungacita pakuti tukaye nu umi wa manda pe (Yobo 36:4, 22; Yoa. 17:3)
Ukutaila sana vino Leza watulaya ukuti tulaya nu umi wa pe, kukatwazwa ukumanya vino tungacita pa kucimvya intazi zino tukakwata umu umi.—Aeb. 6:19; w22.10 ifwa 28 pala. 16.
2. Ukuvwikisya Sana Ivyaya Umu Malembo
(10 min.)
-
Yobo 37:20.—Uzye antu ali mumpanga zino zyalumbulwa muli Baibo, yacitanga uli pa kumanyisya auze ivikucitika? (it-1 492)
-
I vyuma ci vino mwazanyile umu kubelenga Baibo kwa mulungu uu vino mungatunenako?
3. Kubelenga Baibo
(4 min.) Yobo 36:1-21 (th sambililo 2)
SAMBILILINI KUOMBA NINGO UMULIMO WA KUSIMIKILA
4. Vya Kutandika Ukulanzyanya
(3 min.) KUSIMIKILA UKUKAZANWA ANTU AINGI. (lmd sambililo 3 cisinka 3)
5. Kuswililako
(4 min.) KU NG’ANDA NI NG’ANDA. (lmd sambililo 2 cisinka 5)
6. Mwalondolola Vino Mwazumilamo
(5 min.) Lyasi. ijwfq ifwa 57 mapa. 5-15—Mutwe: U Mulandu ci Uno ya Nte Yakwe Yeova Yayacuzizyanga Lino Kwali Ukukoma Sana Antu? (th sambililo 18)
VINO SWE INA KLISTU TWAAYA
Lwimbo Na. 49
7. Mwaipekanyizizya Limwi Vino Mungacita Ndi Cakuti Calondekwa Ukumilepula Lino Yakumilwazya
(15 min.) Kulanzyanya. Eluda aliwe alinzile ukulanda ilyasi lii.
Iuvi lyakwe Yeova lyapekanya ivyeo ivyakutwazwa ukuvwila isunde lyakwe Leza ilikalanda pa wazi. (Mili. 15:28, 29) Uzye mukaviomvya ningo?
Citupa ca Kutuvwangilako Lino Tukulwaziwa (DPA) na Kaadi ya Mwana (ic): Makaadi yaa yakalangilila vino umulwale akulonda ukulwaziwa ndi cakuti calondekwa ukuomvya uwazi. Ya kasimikila abatiziwe yangapokako citupa cakwe DPA na kaadi yamwana wao. Tulinzile ukulapita na makaadi yaa konsi kuno tuli. Ndi cakuti mukulonda ukusaina kaadi nanti mukulonda ukusenulako vimwi vino mwalemba mutalinzile ukusumba insita.
Ivyeo Vyakwe Ya Namayo Ali Nindilwa (S-401) na kaadi ya cizungu yakuti Information for Patients Requiring Surgery or Chemotherapy (S-407): Ivyeo vii vikatwazwa lino yakutulwazya ndi cakuti twalwalisya nu kuya aipakanye uku milwazizye ingalondekwa ukutwikilamo uwazi. Ndi cakuti muli ni nda, mukulondekwa ukulepulwa nanti umulembo wakwe kansa, munganena ya eluda ukuti yamipeele fomu wino mukulondekwa pa ma fomu yaa.
Komiti Yakulanzyanya ni Vipatala (HLC): Aalinzile ukuya muli komiti yii aa eluda afikepo nupya yano yasambilila ivya kulanda na ya dokota alino na ya kasimikila pa vyeo ivikumile imilwazizye ingalondekwa ukwikilwamo uwazi. Yalalanda na ya dokota pali vino mwapingulapo pa milwazizye pakuti yatamikilamo uwazi. Nga calinga, yangamwazwa ukuzana dokota wino angacindika vino mwapingulapo. Nupya ya eluda yaa yakazanwa insita ili yonsi. Mutaasumba insita ukutumila ya HLC lino calondekwa ukuti yamiteeke umu cipatala, ukumilepula, nanti lino yakumilwazya ukuomvya umulembo wakwe kansa. Nupya vikwene ali vino mulinzile ukucita nanti icakuti imilwazizye inu itakulondekwa ukuti yamikilemo uwazi, na lino muli ni nda. Ndi cakuti mukulondekwa uwazwilizyo munganena ya eluda ukuti yamupele ivyeo vino mungaomvya pa kutumila ya HLC.
Tambini VIDYO iyakuti Makomiti Aakulanzyanyizizyamo ni Vipatala—Uzye Yakatwazwa Uli? Alino muzye ali umwi umba iuzyo lii:
Uzye ya HLC yangamwazwa uli mu vya cipatala nanti lino yamulepula?
